اختفى الكنترول

انا اشوف فكرة انك تلغين اول وجبه باليوم تساعد كثير في ضبط الشهيه وتقليل كمية الاكل
انا جاتني فتره احس اكلي حوسه لدرجة اكل اكثر من 3 مرات ماشاء الله وغير الشبسات والحلويات يعني فوضى عارمه خفت على صحتي لا تجيني تخمه او تلبك معوي او كلسترول او اي تعب بالمعده والمراره
اللي سويته اني اول ما اصحى ما اكل لمدة 3 إلى 4 ساعات بس اشرب مويه
والحمدلله احس هذا النظام يريحني واللي لاحظته مع مرور الايام ان حتى كمية اكلي صارت اقل وبسرعه اشبع
بهذي الطريقه يصير عدد ساعات الاكل باليوم اقل من قبل يعني مايصير لك مجال تاكلين كثير من تصحين الى تنامين فهمتي قصدي صار في كنترول ممتاز
وهذي الطريقه تعتبر صيام متقطع انا لما احسب عدد ساعات الصيام اللي صمتها تكون مابين 14 إلى 16 ساعه يعني صيام متقطع
فإذا حابه جربي هذي الطريقه وبنفس الوقت حاولي اذا قدرتي يكون اكلك شوي صحي بعيد عن المقالي والسكريات اذا هدفك النحافه الملحوظه
واكيد مارسي اي نشاط حركي رياضي اما رقص زومبا او تمارين الخمسه ميل اللي منتشره باليوتيوب مو شرط تلتزمين فيها بالحرف يكفي مره الى ثلاث مرات بالاسبوع ومو شرط وقت طويل لان الهدف انك شوي تضيفين نشاط حركي ليومك عشان تساعدين جسمك يحرق لا اكثر افضل من الركود والخمول

انتي مثل مشكلتي كل ماجي انزل الوزن يرتفع دبل

لا خبز
لا سكر
لا زيوت مهدرجة
صيام أقل شي ١٢ ساعة
اخر وجبة تكون قبل النوم بثلاث ساعات اقل شي.
الحركة بركة👍🏁
...
اعتمدي هالخطوط العريضة وبإذن الله مع الوقت تلاقين وزنك ينزل تدريجي أو على الأقل مايزيد

شكرا كل اللي ردو على موضوعي ونصايحكم على راسي 🤍🤍

الله يرزق كل وحده الجسم المثالي وهي بصحة وعافيه