حبيبتي ماشوف خط لا ياقلبي الحمل واضح واضح مررررررررررره يطلع نفس خط التحكم فهمتي علي وش اقصد ياقلبي قولي الحمدلله اذا حمل بيبين واذا دوره وطولت سوي تحاليل شامله

ياحبيبتي الله يرزقك ويعوضك عاجلا غير اجلا
بس التحليل واضح مافيه خط ثاني
أكثري من الدعاء والصدقه

الله يرزقك بحوله وقوته ماشوف خط ثاني والمختبر ادرى اكيد تخصصهم ولو فيه حمل بشرتك مالها مصلحه تكذب عليك

يمكن صاير معك مثل ماصار بحملي الثاني .. سويت التحليل بالبيت وكان مره خفيف حتى زوجي شافه يقولي مافيه خط ثاني .. ورحت المستشفى ونفس الشي قالي مافيه حمل وأنا كنت حاسه اني حامل من الآلام بجنبي وصدري والدوره متأخره اربع ايام انتظرت اسبوع وحللت دم وبان الحمل .

الله يرزقك عاجلا غير اجل ويثمن تعبك .

لكن انتي مستعجله جدا جدا تبين تعرفين الحمل موجود ايه او لا الحين يعني الحين .

ترى بعض الحريم تحمل بعد استخدام العلاجات والمقويات بعد فترة مو فورا او بنفس الشهر ، بعض العلاجات ماتدخل بالجسم وتعطي مفعولها تمام الا بعد مده من الزمن .

حاليا من الصور اللي اشوفها ان الخط الثاني غير موجود واذا انتي تشوفيه بالطبيعه اقوى فهو هو خط رمادي مو خط الحمل .

هنا بالقسم صور لتحاليل بعض العضوات لنفس الجهاز معك وشوفي وضوح الخط الموجود والفرق بينه وبين جهازك .


احسن تحليل للحمل المبكر هو الهرموني مثل ماقالت لك لك بائعة المسك ، يكشف لك اياه بشكل واضح من الاسبوع الثالث ، الاسبوع الثاني ايضا يكشفه لكن تضطري تعيديه تشوفي النسبه زادت او ضعفت .

لو عرفتي ان مافيك حمل راح تتضايقي جدا وتزعلي ، ولو فيه حمل راح تفرحي ،، لكن هل بيدك شي تسويه حاليا غير الانتظار سواء كانت النتيجه موجب او سالب ؟

طولي بالك وهدي اعصابك وتاكدي ان فيه كثير متشفقين على الحمل ويتعبو عشانه لكن ماتوصلي بنفسك لمرحلة التوتر والحزن والاكتئاب ، انا مجربه شعورك ومقدرة الوضع اللي انتي فيه .

انحرمت من الحمل اربع سنين وكنت ادعي ربي يرزقني بكل وقت وتعبت من الفحوصات والحبوب والعلاجات وتعبت اكثر لما اشوف حزن اهلي وشفقه اللي حوالي علي .. بعد فترة عرفت ان ربي كاتب لي خير عظيم بحرماني من الذريه بذاك الوقت واحمد ربي ان ماحملت بذيك السنين .

الواحد مايعرف بقيمة حرمانه عن شي يبيه يشوف ان فيه السعاده الا اذا عرف وش ربي راح يجازيه على صبره والرضا بالمكتوب وحمده بكل وقت .

حتى اللي حواليك من اهلك وخواتك بيتوترو كثير ويضيق خاطرهم معك ، خليك متفائله سعيدة ونيتك صافيه وحسنه وتصدقي بنية الحمل بجنين تام الخلق والخلقه وصالح وبار بكم .

لاتتمني الحمل فقط ، يمكن تحملي وبعد فترة يصير اجهاض ، او حمل بكيس فقط ، او حمل بجنين مشوه .

الله يكتب لك الي فيه الصالح وييسر لك امورك ويقوي قلبك ويهون قلقك ويثبتك .