اختكم الحسن تسأل... لاتبخلون عليها

كل عام وبنات حواء بالف خير

والسلام عليكم ورحمة الله وبركاته
ياحبيباتي ابي كريم اسمه حرير فيه ريحة العود وبالفعل لاحطيته على كفوفي ذبت معاه
كان الجنيد يبيعه وانا جربته من وحده من قريباتي قلتلها من وين قالت من الجنيد بس انه خلص والحين نزل نوع ثاني بس مونفس الريحه
اللي تعرف وين الاقيه تقلي والله يجزاها الف خير وبالمره كم سعره

على فكره باقلكم شي مره وحده مع السؤال
رحت البودي شوب واخذت من عنده شامبو ومكيف للشعر بالعسل
يقول حق الشعر التالف والمتساقط الى الان ماشفت نتيجه توي جربته مره وحده بس له ريحه والله قعدت يومين حتى رجلي يمدح ريحته لا تحركت هفت عليه شي خيال حتى بنتي انتبهت للريحه وهي جالسه جنبي لا تحركت
على فكره كمان عندهم لوشن للجسم بريحة التوت روعه وفيه لمعه ماشريته لان فلوسي ماكفت بس ناويه اشريه
عموما لمعته وريحته قعدت في كفوفي يجي اربع ساعات لاني بعد الاربع التهيت وتحممت بصراحه بس قبل الحمام كلما طالعت في كفوفي تبرق وريحة التوت تجنن
عندهم بالمسك بعد والصندل بس ماعجبني لمعته اخف وريحته ماحبيتها
عموما اذا جد جديد في شعري علمتكم
ولاتنسون اللي عندها معلومه عن كريم حرير تقولي
وجزاكم الله الف خير
تكفون ادعو ان الله يهدي زوجي واولادي وبنتي وجميع ازواج وزوجات المسلمين وبنات واولاد المسلمين بالثبات على ملة ابراهيم ودين محمد وشهادة ان لا اله الا الله وان محمد رسول الله وان الله يهديهم
والحمد لله والصلاة والسلام على رسول الله محمد