روح القصيـــد @roh_alksyd_3
محررة برونزية
اختكم الصغيره :: تطلبكم نصيحه ::
السلام عليكم ورحمة الله وبركاته
اشحالكن عساكن طيبات يارب
:( خواتي بقولكم حاجه فيه طبع مادري مشكله
ماعرف بس يحصل معاي على طول
انا الحمدلله ماعاني من مشاكل كبيره في حياتي
وماعليه مسؤليات كثيره
بس لو واجهتني مشكله بسيطه
يعني ماتتصورن شو يستوي فيه
مثل لو كلمة دكتور في الكليه يقول لي اياها
واحس انه ظلمني او ماتعجبني او تزعلني
خلاص تصير عندي مصيبه واتم حزينه طول اليوم
واحاول بس انسى يكون هذا همي :(
وتكون فيه صيحه وتسود الدنيا في عيني
نفس شي
اذا بدر مني حركه ماقصدها وكانت غلط
يعني غلطت بكلمه ولاحركه في موقف حتى لو كان شي عادي
وكلمه عاديه بس مب مناسبه
والأنسانه الي قدامي خذت فكره مو زينه عني
مزاجي مو يتعكر بس
بدرجه ماتتصورونه اتحطم نهائياً
احس اني شوهت سمعة العايله
وان تربية امي وابوي ماكانت تستاهل هالحركه
واني غلطت غلطه كبيره
واحس بندم بشكل ماتتصورون !!
:(
مو بيدي ان ماكون جي
حتى في الكليه ربيعتي الروح بالروح
تقول انتي تاكلين بعمرج شو يعني قالج كلمه او خذت فكره
على كيفهااا ماستوى شي انتي اهم شي انج ماتكررين الغلط
:( بس انا اتم ضايقه وممكن اغيب عشان انسى
:( ومشكله الثانيه اني مب قنوعه
احب دوم اني اكون الأحسن والأفضل
ماحسد غيري والحمدلله
قلبي نظيف :( بس مستحيل ارضى ب اي شي
يعني لو رحت حفله او عرس
لازم فستاني يكون أجمل فسان
يعني تخيلو اكون في العرس 3 ثالث او ثاني احلى وحده
ازعل !!
مو عشان البنت الفلاني احلى مني لا والله بس احس اني كنت اقدر
اسوي اشياء عشان اظهر بشكل أفضل
ونفس شي مع وزني
وصلت الوزن المثالي
ووزني اقل من وزني مثالي بعد
بس اشوف بنات ضعاف كثير
خلاص هي راكبه براسي
اموت عمري عادي
بس اضعف واوصلهم
:(
المصيبه اني افكر
اني بعدي واناعمري 19 سنه
وجي اسوي بكره لكبرت وتزوجت
شو بسوي !!
الحين امي وابوي يحلون مشاكلي
ومشاكل بسيطه اعاني منها ونفسيتي تتعب فيها
بكره شوبسوي لاقدر اسيطر على مشاعري واحل مشاكلي الصغيره ولاقدر اقتنع بشي
:(
طلبتكم نصيحه
والله يسعد قلوبنا !!
ويفرج همومنا
وييسر امورنا
ويحفظ والدينا !!
اللهم آمين
33
2K
يلزم عليك تسجيل الدخول أولًا لكتابة تعليق.
ارجوان الصغيره
•
نصحتى لك يااختى ان لاتكون الدنيا اكبر همك
نصحتى لك يااختى ان لاتكون الدنيا اكبر همكنصحتى لك يااختى ان لاتكون الدنيا اكبر همك
:( اشكرج ياقلبي
الله لايحرمني من طلتك
ونصيحتك في محلها !!
اللهم لاتجعل الدنيا اكبر همنا
الله لايحرمني من طلتك
ونصيحتك في محلها !!
اللهم لاتجعل الدنيا اكبر همنا
ياعمري عليك كنك تتكلمين عني بس مو بكل الامور انتي مزودتها حبتين:22:
لاتخلين الوضع او الشخصيه الحساسه اللي انتي فيها تأثر عليك
كبريها تكبر وصغيريها تصغر,مافي شي يستاهل بهالدنيا كل الاهتمام والضجه اللي انتي مسويتها
ممكن شخصيتك تتغير وتصيرين اقوى لو انتي اقتنعتي انو لازم تتغيرين
اهم شي تقوين ثقتك بنفسك
لان تغير الشخصيه الى الافضل يبغاله اراده وعزيمه وعن طريق الممارسه بحياتك اليوميه
مثلا بالبيت تصرفي تصرف طبيعي بأبسط الامور ولا تعطين السالفه فوق حجمها ولا تخلين نفسك من الاشخاص اللي بسرعه يستفزون :eek:.
وبس
والله يحقق اللي ببالك وتصير روحك شوي رياضيه هههههههه:42::26:
لاتخلين الوضع او الشخصيه الحساسه اللي انتي فيها تأثر عليك
كبريها تكبر وصغيريها تصغر,مافي شي يستاهل بهالدنيا كل الاهتمام والضجه اللي انتي مسويتها
ممكن شخصيتك تتغير وتصيرين اقوى لو انتي اقتنعتي انو لازم تتغيرين
اهم شي تقوين ثقتك بنفسك
لان تغير الشخصيه الى الافضل يبغاله اراده وعزيمه وعن طريق الممارسه بحياتك اليوميه
مثلا بالبيت تصرفي تصرف طبيعي بأبسط الامور ولا تعطين السالفه فوق حجمها ولا تخلين نفسك من الاشخاص اللي بسرعه يستفزون :eek:.
وبس
والله يحقق اللي ببالك وتصير روحك شوي رياضيه هههههههه:42::26:
الصفحة الأخيرة