اختكم تستشيركم ياااذوات الخبره ..

هلا على حسب الي عندك ايش يحبون ممكن عطور او اكسسوارات او تجميل

مشكووورين حبيباتي الله يجزاكم خير .. وين البقيه تكفون ردوا انا اللي عندي عادي عندهم بس الاحظ يحبون الملابس اكثر

شوفي اللي حولك او اللي راح تبيعين عليهم وش اللي ما فيه احد جاب بضاعه وجيبيها بالنسبه للحلويات مدري احسها ماراح تنجح واذا بخاطرك مثل ماقالوا البنات روحي للجمله

شوفي حياتي اول حاجه استخيري وانا راح اقولك عن تجربتي البسيطه انا اشتريت عطورات فرنسيه بالجمله ومخلطات والحمدلله ماشيه معي وكمان حاجه ثانيه وهي بهارات الاكل انا اصلحها بنفسي واخلطها والحمدلله ماشيه والكل يمدحها لكن انت دوري حاجه تحسين الحريم يحبونها ودوري لك حاجه غير الحلويات والملابس احسها راح تخسرك ..والله يرزقك حبيبتي

الله يوفقك يارب

انتِ قلتي حلويات يمكن اللي حولينك يبحثون عنها كثير ويسألون عنها، إذا حبيتي تبدأي فيها ابدأي بكمية بسيطة ولا تشتري إلا من الجملة عشان تكسبي فيها، يعني ابدأي بصنف أو اثنين إذا مشوا معاكِ اشتري غيرهم وهكذا، وإذا أطفال الناس اللي تعرفيهم كثير راح تمشي معاكِ بسرعة إن شاء الله.

أو إذا تقدري وما عليكِ تعب تسوي مفرزنات لرمضان، سمبوسة أو سبرينغ رول، حطي 100 ريال واشتري فيها مثلا أغراض السمبوسة بصل ولحم ورقاق وغيره من البهارات اللازمة وصلحيها ولفيها، وشوفي كم حبة تطلع لك، ووزعي الـ 100 ريال عليها، بحيث انك ترجعي راس المال بالإضافة لجهدك وكمان ربح لو حتى 30 ريال.

وإذا تعرفين أقاربك ومعارفك وجاراتك ممكن يشجعوك على الشي هذا بانهم يشترون منك لا تقصري، سوي وبيعي عليهم.

أو إذا تعرفي تجهزي بهارات للسمبوسة والشوربات جهزيها وغلفيها بشكل حلو وبيعي على جاراتك حق شهر كامل، إذا معروف عن طبخك إنه حلو صدقيني أتوقع الكل راح يشجعك ويشتري منك.

أو مثل ما قلتي ممكن تشتري جلابيات حلوة لأنه رمضان جاي والغالبية يلبسون جلابيات فيه، أو ملابس أطفال حق العيد.

والله مدري هذا اللي طلع معاي ^_^

الله يوفقك يارب ويرزقك الرزق الحلال الوااااسع، والله يسهل ولادتك على خير يارب ويرزقك الطفل السليم المعافى.