اختكم في التاسع ومحتاجة مساعدة.......

السلام عليكم..

اود التنويه اني بحثت في المنتدى عن نفس سؤالي لم اجد اجابة شافية .. لذلك اطمع في مساعدتكم.. :D

اختكم في الاسبوع 37.. وصارلي من اسبوعين حكة في منطقة اسفل البطن والاسبوع هاد زادت عندي الحكة وظهرلي حبوب صغيرة حمراء في نفس منطقة التشققات.. مع العلم بأني استخدم كريم زبدة الكاكاو واحيانا زيت زيتون.. وهاد حملي الاول.. ولما سألت الدكتورة قالتلي انه هاد مجرد حساسية عادية واستخدمي اي كريم فيه كورتيزون على اساس انه مش راح يأثر بالجنين.. بس الصراحة انا قلبي موسوس .. فما استخدمت الكريم لاني خايفة.. وانا اعتقد انه اللي عندي نوع من انواع حساسية الحمل.. وكنت قرأت في موضوع بالمنتدى انه هاي الحساسية خطيرة!!! .. فطمنوني .. وانصحوني شو اعمل..

بس للعلم انه هاي الحساسية ما بتزيد عندي الا بالليل ومابتخليني انام .. فصار عندي ارهاق فظيع.. وفي الصبح يمكن علشان انا بكون مشغولة ما بحس فيها.. بس اليوم انا حاسة انه الحساسية مدت لرجولي وخاصة عند الركب وصدري و ايدي.. بس من دون اي حبوب.. بس لون احمر..

اعذروني طولت عليكم بس انا بدي اطمن.. موعدي مع الدكتورة ان شاء الله يوم الجمعة .. والصراحة من كثر الحكة بالليل بيخطر على بالي اروح الطوارىء..

ياجماعة اجبروا بخاطري .. لاني في بلد غربة ومافي حد حوالي اسأله.. وبالمناسبة رمضان كريم على الجميع

تحياتي
عسل77 :27: