اختكم في حيرة وقارب رصيد صبرها ان ينفذ

اخواتي اريد التصرف الصحيح قلت استشيركم واستخير :
زوجي من زمان وهو اسلوبه ينتقص مني وانا صابرة عليه.ولكنه طيب احيانا أو لا ادري امكن انا الطيبة اللي انسى بسرعة ويرضيني اقل شئ وعلى فكرة كل مرة يزعلني فيها انا اللي اراضيه . . حبيت اكون العئود اللي ذكرها الرسول صلى اله عليه وسلم . الحمد لله
بس هذي المرة جات منه قوية شوية .
احنا دخلنا رمضان ومن فترة وانا اطالبه بالمقاضي وهي الاساسية فقط زي الزيت والدقيق ..الخ ورفض يجيبها لسبب تافه جدا وهو اني تهت عنه في السوبر ماركت عبال ما يوزن الخضار التفت على رقاق السمنبوسة ورحت اقلب فيها فراح وما شافني اتصلت عليه جوال التقينا لكن ترك المقاضي وخرج زعلان وخرجت معاه . وفي اول يوم رمضان طلبت منه 50 ريال حتى اارسل السائق ليجيب اهم الضروريات قال لا وخذي من فلوسك اللي بالبنك وقال للشغالة امامي قولي للسواق لا يشتري شئ الا بامري لان السواق عنده مبلغ من المال يشتري منه لوازم البيت .
سكت وما حبيت ارد عليه لاني صايمة فكرت كتير اروح لاهلي وعلى فكرة الفلوس اللي بيده من فلوسي كمان من مشروع مشترك .
المهم ارسلت السواق بفلوس من عندي وساويت الفطور شوربة وسمبوسة وكريم .
ما اكل منها واشترى له فطور من بره اكله لوحده ( الشئ اللي يحبه ) .
عدى اليوم وتاني يوم حاولت اصالحه رمضان كريم لكن لقيت انه هو الزعلان سبحان الله وراح يقلي انا مسافر قلت له طيب تتركنا من غير مقاضي قال مالي فيكم انا حبيت اشتريلك افضل الاكل لكن انتي اللي رحتي عني في السوبر ماركت وقلت ان كل الناس تتوه عن بعضها شئ ما يزعل قال روحي عني ابغى انام واذا صحيت انا مسافر قلت له : اذا انا رايحةلاهلي قال مع السلامة قلت اخذ الولد قال خذيه .
والان سافر لا ادري الى اين لكن السؤال : ما هوالتصرف الصحيح ؟ اصبحت كالبلهاء رغم انني ممن يستشيرني الاخوات في مشاكلهم ويستفيدون من توجيهاتي لكن مع حياتي فقدت التصرفالصحيح . هل اصبر وكأن شيئا لم يكن ام ادخل اهلي في الموضوع ام ماذا
علما بانه دائما يهينني لا تظنوا بي شر يهينني لاني من بيت طيب اتربينا على عيب وحرام وما يصير فاصبحنا لا نعرف نرد على احد مظلمتنا الحمد لله .اشيروا علي .