اختكم في حيره ارجوا المساعده

السلام عليكم ورحمه الله وبركاته

اخواتي انا كتبت من مده علشان تدعون لى لاني كنت مسويه تلقيح مجهري
وكان المفروض يوم الاحد اسوي تحليل الحمل لكن للاسف جتني الدوره امس

اخواتي ارجوكم انصحوني مالى احد بعد الله سبحانه غيركم ما ادري وش اسوي انا ما عندي اي مشكله تمنع الحمل وكل الاطباء قالوا ان العقم عندي غير مفسر
عملت تلقيح صناعي مرتين واخذت منشطات كم مره من ابر او حبوب وعملت مرخ وعالجت بالاعشاب لكن للاسف كلها فشلت

وكان املى كبير ان الله يرزقني بعد التلقيح الجهري وخصوصا ان البويضات تم تلقيحها بشكل جيد
لكن للاسف ما تم الحمل
والله العالم مقدار الالم اللى عانيته من بدايه اخذ المنشطات الا السحب اللى استمر المه
عانيت من الم البطن طول فتره العلاج وحتى الان
وهذا كله بسب المنشطات

كانت صدمه لى لما جتني الدوره لان كان نسبه النجاح اكثر من 70 % وهذا كله بامر الله

والله اني محتاره الان ما ادري وس اسوي نفسيتي كثير تعبانه ولا عندي احد اشتكي له لاني ما علمت اي احد اني راح اسوي التلقيح

مالى الا الله ثم انتم انصحوني وش اسوي احس اني عملت كل الطرق اللى اعرفها
دائما كان عندي خطوه اسويها اذا فشلت بس الحين احس ان استنفذت كل اللى عندي وكان اخر شي الانابيب لما فشل حاسه بحيره ما ادري وش اسوي

اخواتي انصحوني ولا تهملوني وش اسوي اعيده مره ثانيه او خلاص انسى الموضوع
والله بدء الخوف يزيد ان زوجي يمل ويفكر يجيب عيال من غير

انا عرفه اني طولت عليكم بس والله اني محتاره وانا اكتب الحين وانا ابكي
لا تحسبوني اني كنت مقصرت في الدعاء او في الصلاه والاستغفار بالعكس ولله الحمد انا حريصه عليهم وعافه زين انه ما راح يرزقني الا الله وان كل شي بوقته
بس الانسان لازم ياخذ بالاسباب

اخواتي انتظر ردكم على ولا تنسوني من الدعاء

واسفه على الاطاله مره ثانيه

رزقنا الله جميعا بالذريه الصالحه:44::44: