اختكم محتاجه مساعدتكم لاتبخلون عليها بالنصيحه

السلام عليكم

أخواتي بقولكم قصتي اللي تقطع القلب واتمنى منكم تدعون لي أن الله يفرج همي

أنا مطلقه من اربع سنوات وللحين مادق بابي ولا خطيب قبل فتره قصيره تعرفت على شخص مطلق
في منتدى زواج وتعرف علي وتعرفت عليه وكان نعم الرجل أنسان ملتزم ولد ناس ومن قبيله معروفه
وعمله جداً رائع وقرر أنه يتقدم لخطبتي أنا قلت بخلي أختي الكبيره تكلم أخواني في البدايه وبشوف رايهم
قالت لواحد من أخواني وياليتني متت قبل تكلمه أختي جلس يتكلم بالفاظ عليها ويقول قفلي على الموضوع نهائي
زواج مافيه أحنا مانزوج الا من قبيلتنا والناس اللي نعرفها رغم انه أختي قالت أنه هالخطيب قريب لزميلتي

أخواتي لي اربع سنوات ولا خطيب دق بابي عمري وصل 34 وانا يتيمه الاب والام أنا عايشه مع زوجة أخوي المتوفي
أخواني كل واحد مع زوجته وعياله ولاعمرهم دقو تليفون علي ويسألوني محتاجه شي او لا
الحين لمن جاء نصيبي طلعت شاهمتهم علي
وينهم عيال القبيله ولاو أحد تكلم فيني للحين
عمري 34 مين بيتزوجني

أخواني لمن ينفتح لهم موضوع زواجي يقولون أنتي ليش تتطلقين من زوجك اللي قبل
كانهم يقولون لازم تذوقين المر
رغم اني يابنات ماطلبت الطلاق الا بعد ماتأكدت أنه عقيم ولافيه امل للانجاب

يابنات أمانه انصحوني وش أسوي اذا راح هالخطيب مستحيل أحد يتقدم لي
وانا يتيمه بذمتك اللي يسوونه فيني مب حرام

وربي اني أكتب لكم وابكي من القهر على الحاله اللي وصلت لها

حسبي الله ونعم الوكيل
حسبي الله ونعم الوكيل
حسبي الله ونعم الوكيل