اختكم محتاجه نصيحتكم(ما تعرف للرجال ابد) ....لا تبخلون علي برايكم

بسم الله الرحمن الرحيم

السلام عليكم ...

بنات حواء انا عندي مشكله ...

اولا انا اشعر فعلا اني فااااااااااااشله في التعامل مع الرجال ...

بنات انا اشك في خطيبي ...مع انه جااااااد ولما افكر بعقل احس انه مو ممكن يكون راعي خرابيط ...بس طبيعته ممكن يكذب...وهذا الي يخوفني مع انه يحلف لي انه ابدا ما يكذب علي ...بس مدري

المشكله انه صار موقف وحسسته اني شكيت فيه ...كان يكلمني ودق جواله شوي قال لي لحظه ...وراح وادق على جواله مشغول ...لما رجع قلت له من كنت تكلم ...قال ماكنت اكلم ...قلت له كان جوالك مشغول...قال لانه جاني اكثر من اتصال ..المهم انا اصريت (اعرف انه تصرف غبي:06: كان المفروض اسكت واصدقه ...بس هذا الي صاروش اسوي الحين ؟؟؟)

ابي اطلع عاقله ما ابيه يحس انه بيتزوج بزر ....عشان كذا قولو لي وش اقول

المشكله انه راجع يسهر معي واحنا مالنا يومين متصافين ...لما صار هالحكي تركني ونام:44: طبعا تخانقت معاه عشان يبي ينام ...مدري ليه احس انه يستخدم اسلوب قابل الصراخ بالصراخ تسلم ...( والله اني احس اني صاير موسوسه وابعد ما اكون عن العقل )

الله يعنيني بكره بيكلمني بنفس شينه ...وبالقطاره واحنا في وقت حرج ...وما ودي اتاسف ويصدني ...بتقععععد في خاطري

انا جدا متوتره الفتره هذي ...قرب العرس...وفجأه احس صار بينا فجوه كبيره ...

مشاكل تافهه ...هو ما يبي يناقشني فيها ...يقول ما ابي مشاكل معك ابي اعيش بسلام ...بس المشكله ماينسى ...يقعد يرمي علي حكي وتشين نفسه ...ولما اناقشه يقول ما ابي وجع راس ...وانا اعترف لكم انا بزره ودلوعه ....بس ايش اسوي كيف اخلي المشاكل ما تترسب في قلبونا...بدون ما احكي واناقش وكل احد يبين موقفه !!:(

هو ممتاااااز وشاريني مره ...

ساعات احس الأشياء الي تصير بيني وبينه من تلبيس ابليس علينا عشان ما نمشي في الموضوع ...
اليوم يقول احس ودك تبيعيني :06::06:وانا والله احبه ولا افكر ابيعه ....بس الله يعدي هالفتره على خير ....ويجمع قلوبناويرزقني اني املا عينه

آسفه بس مدري وش فيني وما لقيت احد اشكي له الا رب العالمين ...ثم انتم ...علموني ايش الحل وش اقول له بعدين عشان اصفي الجو ...خصوصا انه حلف لي ان ما معه خط :06:

اسفه طولت بس ضااااايق صدري ....