اختكم ناصحه لكم عن تجربه^^عن الولاده

السلام عليكم ورحمه الله وبركاته

انا ولدت الحمدلله وجبت بنوته وعمرها الحين بسم الله عليها 7 شهور

المهم حبايبي

كل مامر يوم لازم نتكلم عن الولاده لان كنت ناويه افحط في العاشر ولا ولدت الظاهر
بنتي عاجبتها القعده جوا
وياطويلات العمر مالكم بالطويله نمت ذاك اليوم الساعه 3 وقمت 4 ماطاع يجيني نوم
واقعد في السرير وياما عديت بلاط الغرفه من القعده والطفش خخخخخخخخخخ
المهم قام رجلي بيروح الدوام قال ليش مانمتي قلت مادري في الم قال لايكون ولاده
قلت لا وين يابو الشباب بدري رح بس لدوامك
وراح قمت انا جوعانه يابعدي يا انا واقوم قلت باكل تمر وماش ماقدرت اكل الا تمره
واقوم ادق على جارتي من صبح الله قالت لاتروحين للمستشفى انتبهي
بس ماش اختكم فرحانه انها بتولد وادق على بعلي قلت تعال بموت شوفو الهول
بس
ويجي ورحت للمستشفى واجلس واصارخ واتهول وتجي وتصرقع بي في الفحص والله
بدون مبالغه فحصتني 3 مرات وتقول لسه مافتح الا بس نص سانتي اهي اهي بس
كل هذا الهول يووووووه ياشين الفحص والله موت المهم قالت مدام هذا طلق كاذب
يالله روح بيت
تعرفون وشلون خنقتني العبره والله ماتتصورون حتى في السياره ماسولفنا انا ورجلي
كلن ضايق خلقه
ورحت لبيتي ويزيد الالم الى بعد العشاء وبعدها رحت المستشفى واشوا قالو مفتوح 3
الحمدلله
وشلت المستشفى بصراخي وعلى حظي مافي احد يولد الظاهر الا انا خخخخخخخ
وصياح على فكره تراني هواله بشكل ماتتصورون
والساعه بالضبط 2 الليل و الحمدلله جبت نوني بسلام والحمدلله على النعمه والعافيه


الهدف من كل هذا وانا حاولت اختصر انو ماتروحون للمستشفى بدري
ابد ابد خليك في البيت ولما تحسي بالالم مره ماتتحملي روحي ودوري عن المتشفى اقصد
امشي قريب من المستشفى واذا مره تحسين بيطلع الجنين على طول ادخلي :42:

والله يهون عليكم ان شاء الله
والله يرزقك كل محروم

وهذي نصيحتي لكم ^^