هلا اختي

والله ياوخيتي شوفي
ابقولتس هذولي موب اهل الرياض اللي يحطون كل شي هذولي هم اهل الجنوب اللي عاشو بالرياض وشفت هذولي يسونها جيراني ووحمولتي
وجيران اختي جنوبين

اما انا اذا جوني معصي اسوي اللي انا اشوفه مناسب القهوه اول وبعدين الشاهي وخرابيطها يبون والا بكيفهم خخخخخخخخ
يعني موب زين الحشي فوق بعض ههههه

شوفي انا من القصيم
بس ما نتقيد بشيء معين

أحيانا نقدم العصير وحده
بعدين القهوة والحلويات
ثم الشاهي والمعجنات

واحيانا
على طول قهوة وحلويات
ثم شاهي ومعجنات

انا من نجد وماعمرنا حطينا كل شيء سواء
بالبدايه قهوه وتبعاته ثم شاهي وبرضوا تبعاته ونادراً مانحط عصير بصراحه
انا شفت اهل الشرقيه يسون هالطريقه يحطون سفره ويجمعون كل اغراضهم فيها مره وحده قهوه وشاهي وحلى قهوه ومكسرات ثم يجيبون الفاكهه بعد القهوه والشاهي والناس اجناس يختلفون مو شرط كل اهل الرياض طبعهم واحد ولا كل اهل الشرقيه طبعهم واحد بعد

بالنسبة لنآ (من القصيم) مآ نقدم كل شي مرة وحدة..!
يعني بالترتيب..و لو كنآ نمون على الضيوف قدمنآ القهوة و الحلى بعدين جبنآ الشآهي..:)
و بالنسبة لك..قدمي بطريقتك اللي متعودة عليهآ..بمآ أنهم ضيفوك بالطريقة اللي متعودين عليهآ
اتمنى أفدتك

بالنسبة للتقديم
حنا من نجد
اول شي القهوة وتوابعها ( الضيافة العربية الاصيلة تبدأ بالقهوة)
بعدين الشاهي وتوابعة
بعدين العصيرات بالاخير (لانها تشبع اذا شربوها بالبداية)