اختلاف تحليل السائل المنوي ! والتلقيح الصنااذ

السلام عليكم ورحمة الله وبركاته


انا قبل فتره 4 شهور وبعد تأخر حملي لمدة سنة
سووا زوجي تحليل
وكان عنده صديد والعدد 10 مليون والحركه 15
وعاد التحليل في نفس المستوصف بعد ااسبوع
وكان العدد 7 مليون وصديد والحركه كمان
اخذ علاج لصديد و بالاضافه لخلطة العسل والقسط الهندي
وحلل بعد شهر بمستشفى اكبر
وكان العدد 34 مليون والحركه 55 والصديد راح
واستمر على العلاج 3 شهور
وهذا الشهر قررنا نراجع وسوا تحليل
بمستوصف غير الاول والثاني وكان العدد 86 مليون والحركه 40%
واستبشرنا خير وقررت الدكتور تسويلي تلقيح صناعي
حسب نتايج اخر تحليلين
خذت المنشطات وجا موعد التلقيح
وسوا زوجي العينة والصدمه وقت التلقيح
العدد 8 مليون بس والحركه 35 بالمية
وبعد الغسل العدد 2 مليون والحركه 90%
قلت لدكتوره كيف ماصارله من اخر تحليل
الا 6 ايام قالت انها ما تعتمد تحاليل المستوصفات
ما تعتمد الا تحليل مستشفاهم
وسويينا التلقيح متوكلين على الله
لكن نسبة نجاحه قليله بسبب العدد


ممكن تختلف العينة من مستوصف لاخر
لان فرررق كبير والله وانصدمنا ؟؟
مين صار مع زوجها نفس الشي؟
هل فعلا تحاليل المستشفيات الغير متخصصه فالعقم غير صحيحه ؟


ومن سوت تلقيح صناعي بعدد اقل من 5 مليون
وضبط معها ؟