اخته قليلة الادب !

مساء الخير بنات اخباركم ؟
ادري انقطعت عنكم بس عندي اشغال ..
المهم تدكرون اخته اللي سببت المشكلة؟


اليوم اول مره اشوفها بعد المشكله تقريباً ٣ او ٤ شهور ماشفتها ..


شفتها اليوم ببيت امه وابوه وانا لازم انام عندهم لانهم برا المدينه اللي انا فيها ١٦٠ كيلو ..
المهم انها قلة ادبها علي ٣ مرات وزوجي نزلني وراح للبر بينام هناك اليوم هذا وبكرا بيجي ،
ي بنات تخيلو شلت صحن بوديه المطبخ قالت البيت فيه خدامتين انتي ضيفه لاتشيلين شيء وانا امسي بطلع من المطبخ قالت " مسويه سنعه الله والسنع عاد اللي مقطعتس " سفهتها ومشيت سويت نفسي ماسمع ومشيت


المره الثانيه صار موقف انه بنت اختها تبي تنام بالغرفه اللي انا انام فيها وقالت بس انا استحي من روان قالت لها " انتي الداخله وهي الطالعه بيت جدانتس ذا " هالكلام قالته قدام زوجة اخو زوجي 💔💔 برضو سفهتها ومارديت سويت نفسي ماسمع ..


الموقف الثالث دخل واحد يقرب لهم ويقرب لزوجة اخوهم بعد تكشف له بعد بس انا اللي اتغطى قالت " اللي مو محرم يتفضل يطلع برا " وجيت انا اجمع اغراض بنتي عشان بروح غرفة ثانيه .. وعادت نفس الكلام قالت بنبره اعلى و نبره حقد " اللي مو محرم تطلع " وجيت مشيت انا واسمعها تقول " ناس ماتفهم ابداً " ..


وبرضو الكلام هذا صار قدام زوجة اخو زوجي يابنات البنت هذي عروس هذا اكثر شيء احرجني هي الحين غلطت ٣ مرات علي وانا ولا مره رديت كل مره اسفها ولا اكلمها ولا حتى اطالع فيها سافهتها مره ،
المهم من بعد الموقف الثالث كلمت زوجي واتس اب وقلت له عن المواقف وقال لي لاتعطينها وجه سلكي لها هي اصلا بكرا بتروح ماعليك منها ..
قلت له المكان اللي مافيه احترام لي انا مو ملزومه فيه ، اختك ماتكد علي عشان تتكلم علي كذا نعم ؟
قال خلاص طيب قلت كلمها وقفها عند حدها نعم تتكلم كذا خير؟؟؟ وترا اقدر ارد عليها واربيها جد بس مو من طبعي اقل ادبي على احد ، المشكلة ان اللي تتكلم كذا ي بنات بالثلاثينات عمرها وموظفه بس عقلها عقل طفل ! .. زوجي قال انا بكلمها بكرا لاتشيلين هم ، علموني ردت فعلكم وردودكم لو انتم بمكاني ووش اسوي ؟ امي قالت احقريها الحقران يقطع المصران وهي تبيك تردين عشان تكلم زوجك وتقول روان قالت وروان حطت