اختى والزواج && الله يسعدها الي تساعدني

السلام عليكم & اختى اصغر مني عمرها 27 سبحان الله اذ تقدم لها احد تحتاس امورها ويتم الرفض من قبل الخاطب بعد الرؤيه الشرعيه مع انها على مستوى من الجمال ماشاء الله حتى انه تتعب واجد نفسيا وجسميا مع الخطبه تضيق وبس تبكي تشوف رؤى مخيفه مثل الصراصير و امراءه قبيحه تؤذيها تقول اذ انخطبت اشوف فستان ولكنني لا استطيع لبسه &امي تعبانه مره من وضعها اقلقتنا كلنا ما ندري وش الحل قرينا عليها وجبنا لها شريط الرقيه تشغله وهي نايمه وروشناها بسدر وملح و خلطه الرومي وماء زمزم ما خلينا شي &ساعدوني الله يوفقكن ويسعدكن فنحن في هم وكرب عظيم نخاف يفوتها قطار الزواج الشيخ يقول فيها نفس احد نفسه فيها &طيب وش الحل ؟ لو تعرفون راقي في الرياض متخصص في ها الامور علموني & لو عندكم نصايح لاتبخلون علي لو مرت عليكم ها المشكله ساعدوني وش اسوي اشوف امي تتحسر عليها واختى تعبانه طايحه في فراشها اذ تقدم لها احد وبا العذاب تدخل عليه تقول اشوف وجهه كانه قرد & طولت عليكم بس اختكم مهمومه &ادعو لاختى لعل فيكم مستجاب الدعوه & الله يجزاكن عني خير الجزاء