اختى وحمولتها النشبه وش السوات معهم؟؟؟

مساكن الله بالخير والمسرات



هذا ياطويلات العمر اختى من ولدت الله يقومها بالسلامه بعمليه قيصريه

و هى ساكنه تحت حمولتها واهلى فى ديره ثانيه المهم هى من اول يوم طلعت فيه من المستشفى


والله من اول يوم والناس عندها من العصر لين اخر الليل هى انهبلت ودها اول يوم ترتب نفسها وترتب حاجات البنت

ولا عندك احد قهاوى وشواهى من العصر لين راسها بغى ينفجر من الازعاج واصجه هذا طالع وهذا نازل هذا غير عيالهم الصغار والله لهاالحين اسبوعين وهى على هالحال من الظهر والعيال مرابطين عندها

واخر الليل البنات اذا طفشو تجمعو عندها ولا لها خصوصيه ابد ودها تعرفون ترتاح وتنام والا فيه امل ان سكرت الباب طق الجرس ويدقون على زوجها نبى نجى والله لو اخر الليل ولا فيه احد يزور الساعه 10 بالليل

والله انى جيت ازورها ان وجهها اسووووود من التعب تقول مانام بالليل من بنتى واذا جاء النهار يستلمونها حمولتها

هم حبوبين بس عيبهم الازعاج وقالت لزوجها انه يقول لهم انها تعبانه ولا يفتح لهم الجوال والا الباب يقول استحى منهم يدرون انى اصرفهم ولا يبى يزعلهم

:06: اختى والله لمحت للبنات انها ما تنام وتعبانه كم مره يدخلون عليها وهى توها غاطه بالنوم والله يجلسون والتلفزيون يرنع ولا احد همهم ولا يواعدون بنات عمهم وسهر وبسطه ولا هم جايبين لا ختى خبر


والحين تتعذر لهم بمواعيد المستشفى تبيهم يفهمون ولا فيه امل وش الحل معهم والله احترت وانا انصحها

ولا نصيحه نفعت معهم من عندها خبره تفيدنا وله الاجر ان شاء الله اتمنى من المشرفات ماينقلونها لقسم ثانى