اختيار ام الزوج

ترددت انزل هالموضوع بس قررت اكتب وافضفض
نداء ورجاء لكل ام لاتزوجين ولدك وحده مو بالمواصفات اللي يبيها ليش تحطونا ضحايا لعيالكم متزوجه لي ٦ سنوات ولا بيوم واحد حسبت اني ربع بالميه من المواصفات اللي يبيها زوجي كان دايما يجرحني بالكلام ويوضح لي اني مو ذوقه ابدا حتى عيالي لما جبتهم
هو يبي وحده جميله وبيضاء وانا عاديه جدا بس مستغربه من امه هي تعرفه يحب مواصفات معينه ويبي جميله ليش تخطبني له حسبي الله ونعم الوكيل صابره عشان عيالي فقط ووالله يابنات كم مره يوضح لي انه مو انا اللي يتمناها وغصب هذي نفسه وكم مره كان ودي اصارحه بس ماقدر اخاف وادري انه بيقول كلام بيطعني مثل السم تكفون اللي مرت بتجربه كذا تقولي كيف اتصرف كيف اعيش وانا اشوف كل شي وواضح قدامي وزياده ع كذا شخصياتنا مو نفس بعض ابدا هو اكبر مني بعشر سنوات وانا غيييير شخصيته تماما احس عجزت اتأقلم عجزت اعيش حاولت كشخت لبست سويت كل شي ماينفع وعلاقتنا جداً رسميه كأننا اخوان مافيه سوالف مافيه فله وفرفشه مافيه ارواح متناغمه ومتآلفه لاني ماعجبته من اخذني للاسف مع اني انسانه محبوبه جدا واجتماعيه لكن معه شمعه طافيه ..
فضفضه عن الكبت لاني داخله بدوامة اكتئاب اسفه بنات ع الطاقه السلبيه