اختي احرجتها زميلتها في الدوام بسبب ورق العنب

مرحبا اختي معلمه تقول زميلتها في الدوام كانت طالبه ورق عنب من معلمه ثانيه تسويه وجابته لها في المدرسه هي تبي تروح فيه لبيتها مش للمعلمات بس تكرم منها قالت للمعلمات وكانو مجتمعين في الغرفه الا اختي كانت في الحصة قالت معليش خذو ذوقو منه وكانت حاطته في النص ومغطى الي ياخذ يرجع يغطيه واختي تقول دخلت عليهم وقالت لي خذي واشوف الناس ياكلون تقول اخذت لي حبتين وانا على نياتي احسبه لنا وبعد ما اكلت حبتين فتحت الغطاء اباخذ وحده تقول على نياتي لانه حنا المعلمات تعودنا كل مره الي ودها تجيب فطور او حلا تحطه على الطاوله والكل ياخذ تقول الا مادريت الا صاحبة الطبق تنادي في أعلى الصوت قدام المعلمات فلانه انا ترى طالبته لبناتي تقول وانحرج والكل قام يطالعني ورن الجرس ورحت لحصتي وانا منحرجه مره وبنفس الوقت مقهوره منها ليش تحرجني انا وش دراني ماكنت عارفه انه لعيالها انا قبل اسبوع طالبه ورق عنب وجابته لي زميلتي في المدرسه وحطيته في درجي لاني كان عندي عزيمه عشاء ما حطيته على الطاوله واحرجت احد المهم قبل نهاية الدوام اشوفها وامسكها على جنب وقلت لها يا فلانه والله اني انحرجت منك يا اختي انا دخلت على وجهي وش عرفني انه لعيالك قالت معليش لاتكبرين السالفه اصلا خلاص اكلناه انا والمعلمات الحصة الخامسه لأننا ما طلبنا فطور فجعنا واكلنا تقول بغيت اقول لها انا مو هامني الاكل يارب لك الحمد بس ليش تحرجيني كذا قدام الناس انا قلت لختي ماعليك منها عندي لك خوش اقتراح اطلبي صحنين ورق عنب واحد حطيه على الطاوله وقولي للمعلمات حياكم الله والصحن الثاني قدميه لها قدام الكل وانت مبتسمه قولي هذا لعيالك وحقك علي لاني يا حرام امس اكلت حقهم فا احرجيها زي ما احرجتك