اختي اصغر مني تتهمني بالعصبيه عاتفه الاسباب مادرت انها هي العصبيه!

صباح الخير بنات وجمعه مباركه..
عندي اخت وحده واصغر عني وغير متزوجه وهذي اي سوء فهم ترد علي بعشر وتعصب وتنتفخ نفس الشي امي تتشكى منها وتراددها.. بخبركم عن موقف اليوم واحكمو بنفسكم!
اخوي مسافر مع ربعه وطرش مسج فجروب انه يريد صورة ملكية سيارته واختي بدل ما تصورله رجعت البيت وجلست تقرا سوره البقره عالموبايل وبدون حجاب.. وانا لما جيت من بيت زوجي شفتها ع هذي الحاله وعبالي انها تلعب بفونها لانها ما لابسه حجاب.. المهم جلست مع عيالي وشغالتي راحت المطبخ.. واختي ماسكه تلفونها وجالسه وعقب راحت غرفتها وتسدحت ولما دخلت انا باخذ شي قالت لي خلي الشغاله تاخذ مفتاح سيارتي وتصور الملكيه ورجعت تنام!! استغربت اصلاكيف تقول هذا الكلام؟ وكيف انا بعرف مكان الاوراق والشغاله وين بتحصله والمهم انا قلت لها انتي كلميها بنفسج،، طنشت وراحت تنام..
الساعه3 ليل رسل اخوي مسج لها يقول شو فيج كذي ما صورتي الملكيه وانا كنت انتظر من متئ.. فانا رديت عليه ان هي راقده وكانت تلعب بتلفونها وعقب قالتلي عشان اخبر الشغاله ونامت..
جات اختي الساعه4 فجر ترسل وشكلها مشططه علي انا بذات ليش كذي قلت.. وانا عصبيه واكبر السالفه اونه وهي لانها قرت سوره البقره عشان كذي انا مشططه عليها تقول😳طبعا استغربت من ردها..
شو دخل سوره البقره واذا في شي هي الي بتتعب موانا..
صديقتها نصحتها تقرا يوميا سوره البقره لان اختي ما تزوجت لحد الان وقالت لها يمكن يفك العين اذا فيك عين... الغريب ان اذا قرات هي نحن ليش بنعصب ع قولت اختي ان نحن نعصب لما هي تقراء مع العلم ان هي الي تفهم غلط وتعصب وترادد.. والدليل موقف اليوم شو رايكن؟! من الغلطان