اختي اقرفتنا

اول شي بقول شي
اي بنت مراهقه بزر بالمتوسط
تحذف امها التويتر اذا عندها قسم بالله
اختي كانت ادمان تويتر من ايام المتوسط
والحين عمره ٢٠ سنه تعرفون ايش معنى
عقلها مغسول ؟؟
ملعوب فيه يصور لها البنت السعوديه مسلوبه الحريه
وتتابع الحقوقيات ىصارت نفسهم
ونفس كلامهم تشجع على الهروب
قسم بالله بدون كذب
من سالفه رهف اللي هجت لتايلند لها ٤ ايامالسالفه
بدون كذب من يوم تصحى لين ننام وهي غاثتنا
شفتو ياحرام كاااك
طاحت وجيه السعودين والحكومه عجزو يرجعونها كاااك
كذا تسوي ىتستفز بالقروب حق العائله
وتكتب الدور لكل بنات السعوديه
المصيبه انها مدلعه ع الاخر
ماحرموها اهلي شي واخوااني متفتحين تطلع وتروح
وتجي وتسهر مع صديقاتها وكوفيات ومطاعم
يعني لو معنفه لو مكبوته قلت يحق لها
تحقد علينا وعلى السعوديه وعلى الشعب
اليوم قلت لها خير تراك غثتينا. ؟
بهالسالفه ماعندك غيرها؟
من يوم تصببحين لين تنامين
اهلها معنفينها وبعذرها هربت انتي وش تبين بالضبط؟
قالت لا من قال معنفه بس ماتبي تعيش بديرتكم
وعقدكم ؟؟
هي متصوره خلاص لو هجت
بتعيش الحياة الورديه وحريه
ع بالها الاجانب بيصرفون عليها
زي مابوي يصرف وهي ماغير تبلع وتتسدح
بدون اي شغله والله ختى الكليه بالموت تروح تدوام
وهي تصيح تكره قومن الصبح والدوام والشغل البيت
ماتلمس منديل
يعني بفهم اللي يشجعون على الهرب
مافكرت وين تروح؟
وين تنام؟
وش تسوي
كيف تعيش