اختي الابضايه

ياناس عندي اخت طبعها غريب شخصيتها مااقول قويه لان مو من القوه تسوي كذا بالعكس من الضعف
تخيلوا اذا صرنا عند احد لازم تسوي حركه تراني الابضايه القويه وبالفعل بما انه من سنوات طويله وهذا طبعا خذوا عنها هالفكره وصارت هي حبيبتهم اللبيبه لااعلم من يحبها فعلا ومن اللي يتقي شرها


المهم انا ماعلي من ذا كللله انا علي من تصرفاتها معي
تخيلوا مثلا مره كنا عند ناس وصارت تقول اشياء عني تعتبر اسرار ماابي احد يعرفها
خصوصا اذا ناس مااحبهم
يعني مثلا تقول اني طحت او اني كنت مرتفعه حرارتي وجالسه اغني بصوت عالي ههههههههههه

هو شى يضحك انا الحينه اكتب لكم واضحك
بس احراج وزياده قهررر تقوله لناس انا رسميه معاهم مشان ترضي نفسها وتضحكهم على حسابي


ثانيا مرره كنت بجمعه مع صديقاتي وبنات المدرسه ماامون عليهم قالت لي يووه شوفي هالشرشف يذكرني شرشفك لما كنتي صغيره كنتي تعملين فيه كذا وكذا وهي طبعا تكذب تقولها مشان تضحكهم وانا ماامون عليهم بصراحه فشيله والا هي لما كنت صغيره كانت صغيره مااتوقع تتذكر شنو كنت اسوي


ثالثا وهي تكلم دايم تهاوش وهذي اهم شى عندي يعني اكثر من مره تكررها اجي اسالها عن حاجه قسم ترفع صوتها علي كني اصغر بزورتها انا اقدر ارد عليها رد يفشلها
بس مو حااابه افشلها عند صديقاتها ولا حابه اطلع بصوره سيىه عند احد

رابعا اذا احدسألها عني بمكان اكون انا مثلا متحججه قايله لهم تعبانه او شى
تروح هي تقووول لهم ماتبي تجي كذا هناك جالسه على التلفزيون وانا اكون تعبانه احيانا
وهي تعرف اني تعبانه او تكون مو عارفه مشكلتها وهذي المشكله من لما كنت ادرس
تخيلوا الحرج اللي اكون فيه لما تقابل احد استاذاتي تقول ليش غايبه تقول مافيها شى بالبيت جالسه على النت


اااخ برايكم اردعها برادع قوووي
احيان والله توقعني بحرج وهي ماعليهاباحد عايشه حياتها


بالممقابل لو انا يسالني ليش ماجت اقول مشغوله او ماقدرت تجي تهاوشني اني ماقلت تعبانه حتى لو كان مافيها شى

فمو عارفه شنو اسوي ولا شنو اتصرف معها