اختي الاصغر مني بتتزوج

السلام عليكم
انا عمري 24 سنة مخطوبة لشخص بدون ملكة و المقربين مني فقط الي يعرفو ، بعد اسبوع راح يكون زواج اختي تصغرني بسنة ربي يوفقها و يسعدها ، لكن مشكلتي هي اني اول بنت في جماعتي و قرايبي الي تتزوج اختها الاصغر منها ، و الكل يتكلم و يجرح فيني من قدامي و من وراي الكل يقول اي اكيد فلانة (اختي )تزوجت قبل لانها اجمل و فلانة ( انا ) مسكينة و تكسر الخاطر كبرت و لا تزوجت ، هو صحيح اختي اجمل مني لكن انا بعد حلوة الحمدلله و قبل خطبتي تقدمو لي ناس اكثر منها يعني مو السبب لانها اجمل مني و السبب الاكبر النصيب و الحمدلله ، انا جدا حساسة و تأثر فيني الكلمة حتى امي احس منحرجة مني او انا اتوهم مادري كروت دعوة اختي طلبت من اخواتها يوزعونهم قالت انا استحي ،مادري السبب مني او لا ، مع ان امي و اهلي يراعون مشاعري و لا يحاولون يحسسوني بشي ، مادري انا كاتبة مشكلة او مجرد فضفضة بس انصحوني كيف اواجه كلام الناس و اسكتهم ؟ كل خوفي احد يحرجني و ما اقدر امسك دموعي