انا قريت الموضوع وانا ماراح اتكلم في سالفه ان اختك في سن زواج او لا انا راح اتكلم في سالفتكم انتم يالاخوات الاربع الله يهديكم ليش الزعل ع بعض وربي وربي وربي انكم انتم كلكم مابتحسون بقيمه بعض الا لمن تتفرقون في بيت ازواجكم وتنتظرون يوم الاربعاء عشان تتجمعون في بيتكم عند امكم وابوكم عيب هالكلام وعيب هالتصرفات اللي تصير من اختكم الصغيره المفروض تحترمكم والمفروض انتم ترافون فيها وترحمونها انتي روحي كلمي خواتكم وتجمعو واعطو الصغيره هديه وقولو لها احنا قلنا لك راينا وادا اقتنعتي فيه وماتزوجتي الا بعد ماتكونين قد الزواج فشكرا لكي وادا مصره انك تتزوجين وتتحملين كل شئ فايقني واجزمي ان احنا اول ناس حنفرح فيكي وندعيلك بالتوفيق والسعاده بس اهم شئ ماتتغيرين علينا ونكون اخوات مع بعض ومو اي سالفه مانتفق فيها ع طول نزعل من بعض ونسوي مشاكل وبس والله يوفقكم ويسعدكم وحنن قلوبكم ع بعض

ليه يااختي تصكون بنصيبها يعني انتم اللي تزوجتوا كاملات !!
ماهي صغيره ابدا عشرين خلاص وجه زواج
وبعدين اذا كانت رفلا فهذا غلط امك ليه ماسنعتها
وبعدين مو عذر ترفضون زواجهااا انا اشوف من وجهة نظري انكم
ملقوفات وتدخلتوا في امر مايعنيكم يعني زواجها بينها وبين ابوك هو ولي امرها
واذا على الشطاره سنعوها اذا هذا عذركم ولا بتعنس عندكم
وبعدين كثير بنات رفلات وتزوجوا وفاتحين بيوت وعندهم عيال
حراام اللي تسوونه
لاتزعلين بس انا من برى العايله
واشوف بوجهة نظر مافيها مشاعر وحساسيات
ولا تعاطف عشان كذا لا توقفون نصيبها بكلامكم
وانا اشوف من حقها تزعل

الله يصلح حالكم

صراحه انتم الغلطانات !
مالكم حق تمنعونها من الزواج وتحكمون عليها ؟!
20 سنه ابد مو صغيره وتعدت مرحلة المراهقه , اما مو قد مسؤوليه هي علشانها بينكم ذلحين
لكن لو مسكت بيتها بتصير قدها ومو انتوا اللي تحكمون وتقولون لها خلاص انتي مو قد مسووليه اجلسي لين تعقلين !
انا مااشوف فتصرفاتها شي هذا حقها ومن حقها تطالب فيه
لمتى عقولنا متحجره والبنت عيب تقول ابي اتزوج ومفروض ماتخلي احد يدعي لها انها تتزوج !!
ترا الزواج ستر مو جريمه ! من حقها تتمنى تتزوج وتطلب صاحباتها واهلها يدعون لها
هي قالتلكم اللي فخاطرها ليه تطالبونها تكتم وتمثل عليكم علشان ترضون عليها وتقولون ايوه انتي عاقله !!

يعني متى بتقتنعون انها لازم تزوج ؟
لين تنحرف ؟ لين تدور العاطفه فمكان خطأ ؟ وتدور التسليه فطريق خطأ ؟
البنت اعترفت وقالت ابي اتزوج , مليت من حياتي , خلوها تتزوج وتنستر

واذا اختك الكبيره مرت فظروف وماتبيها تتعب زيها ياختي مو كل الرجال زي بعض
وان شالله زوجها يطلع افضل من اختك الكبيره

أنا أتمنى ماتقطعون برزقها ومثل ماخربتوا الموضوع عليها تصلحونه
كلموا امك وابوك وقولولهم انه سنها مناسب وانكم فكرتوا واقتنعتوا
وكلموا الرجال واسألوا عنه واذا طلع كويس وتمام وافقوا وخلوها تملك سنه وبعدين تزوج

والله يستر عليها صراحه رحمتها هذا الموضوع خاصه مااحد له حق يقرر فيه غيرها

اشوف انتو يالكبارر غلطانين
وشعليكم فيها خلوهاا تتزوج معها حق اذا زعلت منكم

مفروض توصون ابكم ياسال عنه واذا زين مافيها شيء تتزوج