اختي الصغيرة تغار منا .. وش الحل ؟

السلام عليكم ورحمة الله وبركاته < رد السلام واجب :biggrin:
كيفكم بنات عالمي :kiss2:

حدخل بالموضوع على طول من غير مقدمات ومن غير خرابيط

اختي الصغيرة بصف الرابع الابتدائي في الفترة الاخيرة صرنا ملاحظين عليها حركات ماكانت تسويها ولا هي من طبعنا في البيت

(ممكن تستغربون من اللي بقوله وممكن بعضكم مايصدقني لصغر سن اختي والكلام اللي تقوله اكبر ن عمرها بكثير
وانه احنا بعمرها ماكان يجي في بالنا هذا الكلام ابد ابد كان اكبر همنا كيف نلعب ومتى اشوف بنات عمي عشان نلعب حريم :buck:)

المهم
صارت تغار وتنتقد كثير تغار مننا مررا
يعني وتغار من اختي اللي اكبر منها مع انه الفرق بينهم كبير يعني هي رابع واختي الاكبر منها في 3 متوسط
يعني مثل تجي فجئة تقول انا بقول مين يعجبني فيكم اكثر شي وتبدأ تقول فلانة ثم فلانة وو و و وتخلي اختي اللي بالمتوسط اخر وحدة وتتكلم بأسلوب يعني انتي مو حلوة ( مع العلم انه اختي اللي بالمتوسط اجملنا ماشاء الله )

ومر تقول لاختي الثانية صحيح عيونك وساع ورموشك كثيرة بس ماهي طويلة رموشك يعني مدري كيف احسها مو مرا (مع انه اختي ذي اطول رموش فينا ماشاء الله )


واحيانا تجي تورينا شعرها وتقول حلو شعري ومدري شنو وتبدأ تنتقد في شعورنا

ومرا قالو لوحدة من خواتي شكلك مرا هندي ماشاء الله وتشبهي الفنانة الفلانية جت يوم من الايام يعني بعد فترة ممكن اسبوعين او شي زي كذا تقول مااحسك تشبهين الهنود ولا تشبهين هذيك الفنانة

ومرا سمعناها تكلم صديقتها تقول لها صحيح انك بيضا بس شكلك موب ذاك الزوود

وفجئة تجي تمدح نفسها .. كنا في البداية نعطيها جوها بس صارت تشوف نفسها وكذا
فصرنا نقول لها الصدق عشان ماتعيش في اوهام

ومواقف كثيرة كله في ذي الشهرين
وشفنا حالها زاااااااد بالحيل

ممكن غلطتنا انه انا وخواتي الكبار نتكلم مع بعض وعاد تعرفون بعض الجلسات ماتخلو من التعليقات على اجسام ووجيه بعض او التعليفات ع اللي ب التلفزيون وهيك شي

بس احنا الحين نبي نخليها تبطل من هذي العادة السيئة اللي هي الغيرة والحسد
هي ابد ماكانت كذا

ابي حلول ياريت تفيدوني ي اخواتي بنات عالمي :biggrin: