باختصار ..لا يشعر بالألم إلا من يعانيه..بعض الردود تصور الأمر بأنه شيء عادي جدا وما يجرح ..اسمحوا لي خواتي ليست المواساة إنكار الألم وتكذيب المشاعر الحقيقية..
صاحبة الموضوع..نصيحة من أعماق قلبي..أقسم بالله ما أحد يعرف قدر الألم والانكسار اللي في قلبك غير ربي وما أحد يقدر يجبرك في هالموقف الحرج غيره..كل ما جيتي بتشتكين لأحد..افرشي سجادتك وكبي كل اللي في قلبك عليها..الله يرفع قدرك وقدر كل بنت انكسرت من هذا الموضوع..

أهلين أختي الله يسعدك ويوفقك ويرزقك ويطمن قلبك ويرضيك بقدرك.
أنا وصلت 31 ولازلت آنسة لم أتزوج، واللي ودي أقوله لك إنك تعيشين حياتك وتشوفين الأشياء الحلوة فيها ولا تشوفين اللي ناقص منها، رزقك بيجيك ومكتوب لك قبل تولدين، فاطمئني، اللي كاتبه ربي لك سبحانه هو اللي بيجيك، والباقي عليك أنت لا تشوفين التواقص في حياتك وتكبرينها كذا بيزيد همك وحزنك، شوفي الأشياء الحلوة الحمدلله أنت جامعية، فيه مئات البنات ما أتيحت لهم فرصة اكمال الدراسة فاحمدي الله.
عندك نت، وتفضفضين وتلقين ناس يواسونك، وفيه مئات البنات مايقدرون يفتحون النت، وأصلا حالتهم المادية ماتسمح بامتلاك جهاز حاسب فاحمدي الله.
صحتك وعافيتك وعقلك كلها أشياء لازم تستشعرينها وتحمدين ربي عليها.
قوي صلتك بربك، ومو معناته ماتزوجتي أو أختك قبلك تزوجت، انتهت الحياة، فيه أشياء كثيرة بالدنيا وماتوقف على زوج ترتبطين فيه، صحيح إنه سنة الحياة، بس إذا ربي ما كتبه لك الآن، أو كتبه لك بعدين كوني واثقة إن ربي ما يختار لك إلا الأصلح لك، لذلك اطمئني، وتقربي لله أكثر، واشغلي نفسك بالمفيد: قراءة، حفظ قرآن، تعلمي مهارات جديدة، وأكرر لا تركزين على الأشياء الناقصة في حياتك ترى التفكير مامنه إلا الهم والغم.
الله يوفقك ويسعدك ويرزقك ما تتمنين والمسلمين أجمعين…آمين

وعلى فكرة أنا مثلك: خواتي اللي أصغر مني انخطبوا واتزوجوا الله يسعدهم ويوفقهم.

ماتدرين يمكن خطوبة اختك تكون سبب بعد الله في زواجك انا اعرف بنت اختها الصغيرة انخطبت وتزوجت قبلها والحين هي تزوجت بعد اختها و عندها بنت عقبالك يارب

الله يرزق جميع بنات المسلمين