اختي الصغيره سرقت وانا الي تورطت

السلام عليكم ورحمة الله وبركاته
كيفكم يا اخواتي وكيف رمضان والصيام والقيام
السالفه يا حلوين اليوم رحت انا و الوالده الله يحفظها و اختي الصغيره عمرها 8 سنوات
دخلنا محل واختي طلبت من الوالده تشتريها الجزمه الي عجبتها و الوالده رفضت بسبب ارتفاع سعر الجزمه المباااالغ فيه جدا
المهم وسط الزحام اختي الله يهديها اخذت الجزمه وحطتها في الكيس وطلعت وهي اول مره في حياتها تمد يدها على شي مو حقها مع الاسف
المهم بعد ماطلعنا من المحل وبعدنا عنه الا سلحقونا اثنين من رجال الامن ويمسكون الاكياس الي معانا كلها ويفتشونها وطلعو الجزمه وقامو يتطاولون بالكلام ان احنا حراميه ومانخاف الله ومانحترم الشهر الفضيل وووالخ حسبي الله عليهم
المهم قامو يكتبون فينا محضر سرقه وطلبو هوية الوالده لاكن انا رفضت ان هالشي يتسجل باسم امي ما ارضاها عليها ابدااا
واعطيتهم هويتي وكتبو محضر السرقه وبصموني وصورو هويتي وسجلو رقم الهويه واسمي وكل شي حسبي الله عليهم
وفهمناهم ان الي سوت هالشي بنت صغيره وقلت لهم تقدرون تفتحون الكاميرات وتشوفون هل احنا الكبار الي سويناها ولا الطفله الي معنا ورفضو يفتحوم الكاميرات وطلبو قيمة الجزمه
والوالده اعطتهم قيمتها حتى رفضت تاخذها خلت الجزمه لهم
واختي اخذت عقابها الي تستحقه الله يهديها و ان شاء الله ماتعيدها لانها فشلتنا كثيررررررررر بصراحه



هذه السالفه الي صارت اليوم معي
الحين بسالكم بما انهم كتبو هالمحضر وبصموني و سجلو هويتي هل فيها ضرر علي لا سمح الله ؟؟؟
يعني ممكن يبين هالشي في الي منشئه حكوميه لو دخلو رقم هويتي ؟؟
لان ناويه ارجع لهم اليوم انا و اخوي ونتفاهم معهم ع الاقل يكتبو هوية اختي الصغيره لان بكذا ماعليها ضرر لا سمح الله لانها طفله
ولا تتوقعون ان هالمحضر مجرد للتخويف فقط ويقعد عندهم عشان لو انعادت مره ثانيه الله لا يقولها يبين عندهم ؟؟
يعني عادي انسى الموضوع ولا اطالبهم و اجبرهم بفتح تسجيل الكاميرات و اخليهم يغيرون رقم هويتي برقم اختي الصغيره الي سوت هالشي ؟