اختي الصغيره مابتستانس في عرس اختي الكبيره شنسوي؟؟؟!!!!!

ارحب فيكم اولا ياحلوين .. والمشكله اللي راح اطرحها يمكن محد يقدر يساعدني بحلها ويمكن بعضكم يشوف انها مشكله عاديه بس بصراحه انا في ضيقه مايعلمها الا رب العالمين....
اكيد تبون تعرفون شنو المشكله:
الله يسلمكم عرس اختي الكبيره بعد كم يوم واللي صار انه اختي الصغيره صف سادس ابتدائي ياعمري عليها عندها امتحان في نفس يوم عرسها واليوم اللي قبله والاسبوع كله بعد يعني ماراح تستانس لا في العرس ولا الصباحيه ولا الهديه واهلنا من السعوديه والبحرين بيجون بيتنا يعني بينترس البيت يهال وهي ياحبي لها ماراح تقدر تقعد معاهم امي بتسكر عليها الباب وبتخليها تدرس ولو تشوفونها شقد مشتاقه لليهال لانه ماتشوفهم الا في السنه مره او مرتين وطبعا امي قالت بتغيبها اليوم اللي بعد العرس بس والمشكله انه المديره قالت ماتغيب البنت الا بعذر طبي مايصير عليها امتحان وشنسوي اللحين طبعا امي مضطره انه تغيبها لانه اصلا مابتقدر تقوم الصبح من بعد السهره في العرس ومو عارفين شنسوي الصراحه .. مسكينه راحت ذاك اليوم تركض تشوف جدولهااللي للامتحان تبي تشوف كم يوم بتلحق على اليهال قبل لايسافرون..اه ياقلبي عليها لابتستانس في العر س ولامع اليهال وانا فيني الضيقه عليها ..والله حبيت انفس عن اللي بداخلي واقولكم وياريت لو تدعون لها الله يسهل عليها ان شاء الله والله يكتب لها الخير والسعاده...واللي عندها حل تساعدني فيه الله يجزاكم خير