بسم الله الرحمن الرحيم
السلام عليكم ورحمة الله وبركاتة
يابنات مادري كيف ابدا موضوعي اوكيف افسره بس انا بقولكم ايش الي يصير وانتم احكموا عليه لانه ماخاب من استشار والاذواق تختلف والشخصيات تتغير بقولكم امثلة بيني وبين اختي وقصص تصير وابيكم تقلون لي هل هذا غيره ام انا اتوهم !!!
الموقف الاول
مرة كنا بعزومة انا وامي واختي الكبيرة جت حرمة ومدحتني بشكلي وبطولي ردت عليها اختي الكبيرة تقولها اوما هاذي نحيفة النحيفة والي زين جسمها هاذي تاشر على بنت خالتي ردت عليها الحرمة بس انا يعجبني جسم اختك قالت اختي للحرمة ماعندك نظر
يابنات حتى لو كنت انا ماعجب اختي عيب عليها تقول هالكلام قدام الحريم
الموقف الثاني
انا معاي بكالوريس ودورات حاسب وenglish ودورات متنووعة وهي معها بس معهد معلمات دايما تقول لااهلي ولاامي شفتي بنت فلان معها ماجستير ودكتوراة مو مثل بنتك تاشرعلي
طيب هي ماتعلم روحها على الاقل انا موظفة وادرس ثانوي والحمدلله الكل يثني على تدريسي ليه كل شوي تقول لاامي شفتي فلانة شفتي علانة وشفتي بنت الجيران معها ماجستير ومعها داكتوارة وكل كلامها كذا يوميا
الموقف الثالث
جارتنا السورية مدحتني ومامدحتها هي
راحت قالت عنها اختي الكبيرة اصلا هاذي مريضة نفسية وماتشوف الزين الي تمدحك بس يمكن تجاملك قلت لها وليه ماتجاملك انتي !!!
الموقف الرابع
كنا رايحين لخالتي بعزومة خالتي من النوع الي بقلبها على لسانها وفي اختي الكبيرة وامي كنا نسولف دخلت كذا بالموضوع قدام خالتي تقولي كأنك اليوم زاينة شوي ردت عليها خالتي قالت من حينها زينة وحلوة
الموقف الخامس
جتنا زوجة خالي ومعها بنتها وعيالها الصغار جت زوجة خالي ومدحتني ومدحت بياضي ردت عليها اختي تقول بقولكم سالفة امس وانا رايحة محل زارا شفت بنت ملكة جمال ملثمة وحاطة مكياج وعدسات ورموش بس ملكة جمال ههههههههههه اكيد الي بتسوي كذا بتطلع جميلة ولامتلثمة ومكياج تناقض تبي تقهرني !!
الموقف السادس
خوالي يمدحوني دايما وخالي يقول ابي وحدة زيك
تقولي لاتفرحين ترى الرجال مانعدهم نظر شفتوا كيف الغيرة!! فيها المشكلة انها كبيرة وعقلها صغير مره ...
الموقف السابع
انا عندي سواق وسيارة بالرياض وكنت ادفع قيمة السواق
راحت اختي الكبيرة كلمت امي تاخذ السواق وتبي تقهرني اخذت سواقي وسيارتي وتقولي نشوف انا ولاانتي ماعندنا بنات يطلعن مقهورة عشان زوجها مايخليها تطلع ... وسكت وقلت اختي مهما كان .
الموقف الثامن
انا طويلة ودايما تطنز بطولي تقولي الطول طول النخلة والعقل عقل سخلة قلت طيب وتجي وتمدح بنت قصيرة ولابسة كعب تقولي هذا الطول الزين موطولك طول رجال الحمدلله والشكر ...
الموقف التاسع
عندها ان هي الي رايها يمشي وباقي الناس ماعندهم ذوق عندها ان هي اذا قالت شي يعني صح وغيرها غلط متناسية ان الناس اذواق وكل واحد حر بتعبيره وذوقه تخيلوا بنتها جتني قالت خالة درسيني رياضيات جت وخانقت بنتها قالت هاذي موفالحة بشي تبينها تدرسك مافي مثل تدريسي وسنعي وجمالي وشطارتي تبدا تمدح نفسها وهي ماتعرف شي ..
الموقف العاشر
امي جلست تمدحني تقول بنتي ماشاء الله سنعة وصايرة تاجرة ردت عليها اختي الكبيرة ويش سنعة باايش بخلطات وخرابيط مالها فايدة ..
الموقف الحادي عشر
انا مندوبة بشركة تجميل وعلى نياتي قلت لااختي الكبيرة بسجلك معي عضوة لانها ماتبي تبيع قلت لها عشان يسون لك ديسكاون قالت خلاص
واجي اسجلها على حسابي واجيبلها عينات عطور وكتالوج تدرون يابنات ويش سوت فيهن يوم عطيتها مابي منها شكر بس ابي منها تحترمني فكت العطر وشمته قالت ياوهم انتي وشركتك الخايسة زاد انتي تجيبن شي فيه زين امسك ياعبدالله تقصد ولدها الصغير خذهن العب فيهن وانا امك ولا ارمهن بالزبالة وسكت وقلت اختي ولازززم اكبر عقلي بالرغم انها اكبر مني بكثيررررررررر
الموقف الثاني عشر
مرة شريت عطر يجنن ريحته جت اختي الي اصغر منها مدحت عطري قالت تكفين ابي تشترين لي واحد زيه قلت لااختي خوذية مايغلى عليك شكرتني اختي واخذته شمته اختي الكبيرة على اختي هاذي ومدحته مدح وقالت ابي زيه قالت اختي لها ترى حلا هي الي جايبته موانا اساليها من وين اشترته قالت اختي الكبيرة وانا اقول هالعطر يصلح للحمامات مسرع تتغير رايها الحمدلله والشكر
الموقف الثالث عشر
مرة كنت رايحة لبيتها انا وامي وخواتي نزورها شافني زوجها صدفة جتني تقول يقول زوجي ويش هالشغالة الجديدة الي جايتكم قلتله لا هاذي اختي تسمعني بس ولدها كشفها الي بالثانوي جاني يقول ابوي يقولي خالتك احلى من امك بكثير ...
في مواقف كثيرة بس انا ذكرت بعضها
امانة يابنات ويش تفسرون هذا كله غيره ولا انا اتوهم يعني مومعقولة اتوهم بالرغم اني دايما امدحها وهي ولاعمرها مدحتني..
عندها ان هي المطوعة وان ربي بيدخلها الجنة وانا لا..
دايما تقولي لازم تصلين السنن وتقرين بااستمرار القران وانتي لازم تصومين الاثنين والخميس ولاترى بقبرك بتعذبين شوفوا كيف !!! على طول حطتني اني بتعذب ودايما تتتكلم بالناس انهم صايعين ولايتغطون وانها هي بس الي يتتغطى وتقولي لاتروحين مع السواق ترى محد نافعك وهي تروح مع السواق عادي !!!
وانتهى كلامي
ابي اراؤكم ومشورتكم لاني مليت وتعبت منها
هذا الموضوع مغلق.
سنين عدت
•
حبيبتي هالمواقف تحصل بين الاخوات وهي غيوووووره الله يهديهاا
بس فعلا زوجها وقح وولده أوقح منه واحتمال يكون الزوج يمزح مع زوجته او الولد كذااااب لان مافي ولد يرضاه على امه ..... !
بالنسبه لاختك مثل ماقلتلك هي غيورة وفي كثير حريم كذااا انتي حاولي تتقربين منها والله يحنن قلوبكم على بعض
بس فعلا زوجها وقح وولده أوقح منه واحتمال يكون الزوج يمزح مع زوجته او الولد كذااااب لان مافي ولد يرضاه على امه ..... !
بالنسبه لاختك مثل ماقلتلك هي غيورة وفي كثير حريم كذااا انتي حاولي تتقربين منها والله يحنن قلوبكم على بعض
ماتلاحظين انو كل مواقفك فلانه مدحتني وفلانه قالت عني !!
اعتقد هذي المشكله الي خلت اختك تتعامل معاك بهالاسلوب
شكلك من النوع الي يمدح نفسه كثير
او كل ماسمع مدحه من احد علق عليها
وهي صارت تحاول تقلل ثقتك من نفسك و ماتعطي مجال لاحد انه يمدحك
عشان مايزيد الوضع عندك
انا ما ابرر لاختك لكن هذا الي انا لاحظته من خلال موضوعك
اعتقد هذي المشكله الي خلت اختك تتعامل معاك بهالاسلوب
شكلك من النوع الي يمدح نفسه كثير
او كل ماسمع مدحه من احد علق عليها
وهي صارت تحاول تقلل ثقتك من نفسك و ماتعطي مجال لاحد انه يمدحك
عشان مايزيد الوضع عندك
انا ما ابرر لاختك لكن هذا الي انا لاحظته من خلال موضوعك
الصفحة الأخيرة
حياتي اختك غيوره غيره مرضيه ومش بس منك انتي تلقينها تغير من كل الناس
انتي حطي لها اذن من طين واذن من عجين
لاتهتمين بكلامها ولاتردين عليها
هي بتظل طول عمرها كذه ممكن اذا كبرت تتغير بس تغير بسيط
والله يوفقك ويشرح صدرك
بس انتي حاولي انك تنسين ولاتفكرين في الموضوع كثير