بسم الله الرحمن الرحيم
كل عام وانتو إلى الله أقرب
اختي اكبر مني بس تردد علي العبارة انتي متزوجه مليت من الكلمه كان المتزوجة خلاص هي اللي تدخل الجنة والعزباؤ تدخل النار
أو من قبل شوي كلمتني وقالت انتي احسن انتي متزوجة انا اسوي نفسي عادي بينما انا متضايقة من الكلمة
نبذة عن حياتي الحمد لله عادية جدا عندي 4 اطفال وراء بعض الحمد لله الله يصلحهم ويحفظهم و اشقياء وساكنة بشقة صغيرة وضيقة فوق اهله اللي ياما وياما سولو لي مشاكل
وما عندي شغاله تساعدني
هي أكبر مني وكانت تحب واحد وأيام خطيبتي كانت تحبه وانا يوم تقدم الرجال تزوجته بس بعد ما كلنا قلنا لها انتي الكبيرة تزوجي وإذا تبينه تزوجي وقالت لا وغير كذا ام زوجي قالت انا أبي فلانه اللي هي انا وتم الزواج ع خير
وبعد ما أنجبت الطفل الثاني الشخص اللي كانت تبيه تزوج والحين منجب وعايش حياته وعي كاغير مستلمتني انا انتي متزوجه وانتي متزوجة
مره جاب لي زوجي تعليقة ذهب خفيفة واسمعها تسولف ع اختي الكبيرة انا كنت أصلي تقول يوم فلان اللي هو زوجي جاب لفلانه ذهب انا حزت بخاطري وتحطمت
وأنا بصراحه اللي تحطمت مو هي وانا ذهبي كله بعته نص آخذة زوجي ونص بعته عند الحاجه والحين الحمد لله عندي ذهب بقيمة تقريبا 4 آلاف ريال شريته من حافز
الأسبوع الماضي كنت لابسة تعليقة ذهب والله السلسال خفيف كأنه شعرة وصار لي فترة لأ بيته مانزلته واتروش فيه وقالت لي أنا يحز بخاطري انتي متزوجة لابسة ذهب وانا لا
عاد ثاني يوم انقطع السلسال قطعة ولدي مع اني لي شهر لأ بستة
مرة سافرنا مدينه تبعد 150 كيلو عن مدينتنا انا وزوجي عيالنا ع أساس ننبسط ونستانس استلمتني بالرسائل لدرجة تقول لي الله يلعنكي يا المتزوجة انا والله مارديت عليها بس طفيت الجوال
عاد رجعنا مدينتنا أخذنا تقريبا ساعتين حتى ماتعشينا صار زوجي يرجع وراسة يعورة والحمد لله رجعنا بالسلامة
ودائم تردد علية انتي فلان ينام معاكي وهالكلممة محرجه وعيب ع اني الحمد لله ماتكلم خصوصيات الفراش
وتقول لي اناي تكذبين انتي تحبين فلان وتضايقين اذا تزاعلتو
كنت اقول بنفسي لو اتطلق ترتاح بس طلقني مره طلقة وحدة كنت حامل بالطفل الثالث والله شيبا برأسي عاد وقتها كنت اتوحم لي شهر وشوي حامل او يمكن شهرين وكان عندي حافز وهي بعد كانت تاخذ إلا أنها حاطه عينها على فلوسي وانا هذيك الفترة كنت حريصة ع الفلوس وكنت تديرها واقتصاد علشان اصرف ع العيال بعدها رجعت الحمد لله بعد شهرين من الطلاق
الحمد لله عدت هذيك الأيام وكنت ألوم نفسي اني طلعت من بيتي كنت اقول نار زوجي ولا جنة اختي
أم الحلوين أنا @am_alhloyn_ana
محررة برونزية
يلزم عليك تسجيل الدخول أولًا لكتابة تعليق.
نصيحه لا تشيلين ببالك ولا قلبك على اختك
وبادلي اساءتها بالاحسان والتغاضي عن هفواتها
ولا تتركين الاذكار والتحصين واستودعي الله نفسك واطفالك وزوجك وبيتك ومالك وتوكلي على الله ولا تلتفتين للكلام
ربما كلامها طالع من كبت او ندم او احساسها بالنقص لانها فقدت الشخص اللي تتمناه
اعتبري كلامها مجرد فضفضه اذا قالت انتي متزوجه عندك الشي الفلاني وانا ماعندي عادي اسمعي شكواها وكلامها للاخر وردك خليه عادي مثلاً ايوا ايه صحيح ولا تظهرين رد فعل
يمكن تبي تستفزك وتخليك تغارين فا انتي خليك ذكيه والصمت احيانا اكبر اجابه
وحاولي قدر الامكان تكتمين الخير او النعمه اللي معك ولا تتكلمين عن حياتك او مشترياتك ولا تشتكين لها عن شي اطلاقاً لانها تعتبر نفسها شايله اكبر هم بحياتها لانها ماتزوجت اللي تحبه
يعني كبري راسك وتعوذي من الشيطان واسمعي كلامها من اذن وطلعيه من الثانيه وادعي لها بظهر الغيب
وبادلي اساءتها بالاحسان والتغاضي عن هفواتها
ولا تتركين الاذكار والتحصين واستودعي الله نفسك واطفالك وزوجك وبيتك ومالك وتوكلي على الله ولا تلتفتين للكلام
ربما كلامها طالع من كبت او ندم او احساسها بالنقص لانها فقدت الشخص اللي تتمناه
اعتبري كلامها مجرد فضفضه اذا قالت انتي متزوجه عندك الشي الفلاني وانا ماعندي عادي اسمعي شكواها وكلامها للاخر وردك خليه عادي مثلاً ايوا ايه صحيح ولا تظهرين رد فعل
يمكن تبي تستفزك وتخليك تغارين فا انتي خليك ذكيه والصمت احيانا اكبر اجابه
وحاولي قدر الامكان تكتمين الخير او النعمه اللي معك ولا تتكلمين عن حياتك او مشترياتك ولا تشتكين لها عن شي اطلاقاً لانها تعتبر نفسها شايله اكبر هم بحياتها لانها ماتزوجت اللي تحبه
يعني كبري راسك وتعوذي من الشيطان واسمعي كلامها من اذن وطلعيه من الثانيه وادعي لها بظهر الغيب
الله يرزقها يارب ادعي لها في هالايام الفضيله هي تمر في مرحلة فراغ كبيييييير خصوصا اللي بسنها كلهم تزوجو
الصفحة الأخيرة
وانثحها دايم اقول لها روحي تخفيظ قرآن وانا ادفع أجار السواق تقول كل اللي بالتحفيظ متزوجات بس أنا بينهن ماني متزوجة
اقول لها ترا الزواج مو كل الحياة وترا محد صار ينظر النظرة الدونية للغير متزوجة الإنسان يحترم لذاته مو علشان انه متزوج او لا وترا ياكثر المتزوجات عايشات هموم ومشاكل تقول لي أجل ليش متزوجة انتي واخر مرة قلت لها يا فلانه ترا أبسط ما عليه انه تكونين في بيت زوجك وعندك عيال بس هذا نصيبك والله يرزقك
عجزت عنها ماتفهم عمرها 35 سنه
وأنا عمري 32 سنه