اختي الله يهديها ويصلح حالها

السلام عليكم ورحمة الله وبركاته كيفكم جميعا هذا اول موضوع لي ؛ عندي اخت كبيره قلبها طيب جدا جدا وقعدتها حلوه وونيسه وسوالفها منوعه بس مشكلتها مو متزوجه وتغار مني بشكل كارثي والله اني اقول هالكلام وانا متأكده ما اتوهم لان حطيت لها سبعين عذر كل مره تسوي لي سالفه على تصوير سناب او لما اسولف سالفه عفويه عن زوجي مستحيل تمر مرور الكرام لازم تحرجني وتفشلني وتسوي سالفه زي اخر مره موقف عادي جدا بس انا تأثرت لان صارت تراكمات ، قلت لاختي الكبيره الثانيه من ضمن السوالف الحمدلله زوجي يخاف ربي فيني ومو مقصر علي بشيء قالت اختي ذي الي مو متزوجه قالت ايه واضح وانتي كل شوي داقه على ابوي تتشكين ، كلامها وربي ما اثر فيني بس ضايقني لان شكاويي لابوي ندمت عليها جدا وكانت اول سنه زواج وانا لي متزوجه ثلاث سنين كنت ادق على ابوي اول خمس شهور لاني ما اعرف شخصية زوجي وكنا مناقر دايم انا وياه بس الحين الحمدلله صرت اعرفه واعرف شخصيته ، المهم كيف اتصرف معاها والله اني احبها حب مو طبيعي بس غيرتها مو طبيعيه ودايم تطلع علي سوالف كذب انا توني طالعه من النفاس وطفلي عمره شهر وتعرفون المواليد عندهم غازات ومغص ودايم بس يبكون ما تقدرين تنامين اربع ساعات على بعض الا طفلك مصحيك من الغازات والمغص المهم جيت بعد ما صحينا انا وطفلي للصاله اجلس معاها قالت قومي سوي قهوه وانا مانمت الا ساعتين قلت يوه مافيني حيل والله قالت سلامات كلها قهوه قلت طيب يلا وانا كذا اقول مافيني حيل بأسلوب استهبال قامت تكذب على اختي الكبيره الثانيه اني قلت لا واني ما اساعدها وانا قبلها بيوم كنت منظفه المطبخ هي تخلي المواعين تتراكم وانا انظفها لان ابوي يهاوش وانظف الفرن واكنس وما اقصر احاول اساعدها بأي طريقه بس هي جدا تكرهني وتغار الله يهديها الله يهديها الله يهديها ، كيف اتعامل معاها معاد صرت اسولف عن حياتي بأي شيء لا زين ولا شين بس هي للحين متذكره كل شيء شكاويي لابوي تعايرني فيها ومشاكلي مع زوجي التافهه تذكرني فيها وتعيب على بطني من الحمل لاني والده طبيعي وبطني طايح للحين مع اني البس مشد واسوي رياضه بس لازم وقت لين يرجع جسمك طبيعي ، كيف اتصرف معاها الله يسعدكم عطوني حل ما يجرح الطرفين وعذرا على الاطاله والكلام الملخبط والاخطاء الاملائيه❤️❤️