اختي اللي اصغر مني

السلام عليكم
انا اختي مو صغيره بالجامعه حاطه نقرها من نقري خصوصاً بالاجتماعات العائليه كل ما ابغى اتكلم تروح هي وتتلقف وتجاوب عني حتى لو شي تافه لو صار هالشي مره ممكن افوته واعديه لكن صار كل جلسه كل عيد كل مناسبه حتى بالزواجات . اخواتي الصغار يسمعون صحباتهم يتكلمون عن مسلسل تركي يروحون يتابعونه حاولت تخليهم ما يتابعونه بـأي شكل وما قدرت عليهم بعدين جتني تقول انتي اللي علمتيهم على هالمسلسل وانا فاتحه عيوني متى علمتهم؟ كل شي يسوونه تحط على راسي بس لاني اسمع اغاني تحسب كل شي انا اعلمهم اياه والله لو تسمع موسيقى من فلم كرتون تقولهم قصروا ويطنشونها وتجيني وتحطه على راسي انا مشكلتي منصدمه وما اعرف ارد ومره اختي حلمت في مسلسل هي تتابعه ولما قامت قالته لنا والتفتت علي تقول كله منك انتي اللي علمتيهم وانا من كثر القهر قلت اي انا وهو والله مو انا وخلاص صار كل شيء يصير تحطه فوق راسي اختي الصغيره ماتحبها تنصحها والله اي تصرف منها تحطه علي وان انا اللي علمتها غير كذا وبجلساتنا العائليه اللي فيها اخواني تجيب طاري المكياج وتدقني بالكلام فيه وتقول متعرفين تحطينها وتطلعين كنك ما ادري ايش وبالاعياد والمناسبات تجيني عشان احطلها. المشكله انا ويايها بغرفه وحده يعني اطنش مره مرتين بس والله اتعب ولما نكون نايمين ما تبغى احد يفتح عليها الباب ويزعجها ف احترم هالشي واطللع الصاله لين ما يجي موعد نومي وادخل انام لما تصحى لصلاه الفجر وتصلي وتخلص تقفل المكيف وتفتح اللمبه وتجيب قهوتها وتمرها وجوالها وتجلس بالغرفه طيب والاديمه اللي نايمه ؟ما ادري شلون ارد عليها وواقفه عن حدها حاولت كذا مره افهمها بس على طول تستخدم يدها وتتضارب واني بنيتي الجسديه مو زيها يعني بشلوتي واحد تفتح لي راسي وشلون اتعامل معاها وشلون اوقفها عن حدها وشلون ارد عليها بدون ما نتضارب لان امي بتزعل وابوي راح يحط اللوم علي لاني اكبر منها ولازم اكون لها قدوه ومن هالكلام.