اختي اللي اصغر مني تبغى تلبس فستان فرحها عشان تقهرني

السلام عليكم و رحمة الله وبركاته

ما اعرف اكتب مقدمات بس المقدمة الوحيدة اللي راح اقولها هي الله يعينكم عالقراءة انا كلامي كتير ههههههههههههه



عمري 28 خريجة كلية التربية و عاطلة زيي زي اي وحدة خريجة تربية و طبعا لحد الان بدون زواج

اللهم لك الحمد و الشكر يتقدمولي عرسان كتير ماشاء الله من لما كنت تالت ثنوي يعني ليا عشرة سنين تقريبا و كل فنرة و فترة احد داقق بابنا
اكثر الخطبات صار فيها شوفة شرعية و اعجب العريس الحمد لله و يعجبني و نسوي الفاتحة و تتحدد الملكة و قبل الملكة بكم يوم يصير شي من طرفنا او طرف العريس و يتفركش الموضوع
شي بسيط تافه يخرب كل شي

ما خليت شيخ و كلهم يقولو فيكي عين و حسد قوية من لما كنتي صغيرة وطبعا لما اروح لشيخ
ما اقوللو اني اتعالجت قبل كدا عند غيرو وسبحان الله من خلال اسئلة يسألوني هيا و من خلال بعض الاعراض وقت القراءة يقولولي نفس الشي عين و حسد

حتى قبل فترة صارت فيا بلاوي الله لا يبلي احد و طلع فيني مس بسم الله عليكم كلكم و الحمد لله اتعالجت منو و اختفت كل اعراضو بس العين اللي فيني مو راضية تروح

الحلو في الموضوع اني كل ما استمر على الرقية فترة يرجعوا الخطاب يدقوا الباب لكن برضوا مافي نصيب يا رب لك الحمد

كان عندي اخت اصغر مني بتلات سنين ماعمرها انخطبت غير مرتين اول مرة ما ناسبها العريس و الثانية كان نصيبها و اتزوجت من شهرين الله يسعدها

المهم كنت دايما اشكيلها من تعبي و زعلي على نفسي و كيف دايما احس اني عانس و غير مرغوبة و ان كل اللي حوالينا اتزوجوا الا انا و هي و اخواتنا

احنا اربع بنات 30 سنة و هادي نفس قصتي بالزبط
و بعدين انا
و بعدين وحدة عمرها 26 وانخطبت عادي و اتزوجت عادي قبل 9 شهور تقريبا الله يسعدها


المهم جا اليوم اللي انخطبت فيه و مشيت اموري تمام و ماشاء الله كان خطيبي نفس المواصفات اللي ابغاها بالزبط بالتمام و مشيت الامور من احلى ما يكون
اختي اللي عمرها 26 انخطبت بعدي بأسبوع و اللي اصغر مني بتلاتة سنين انخطبت بعدنا بتلاتة اسابيع ماشاء الله تبارك الرحمن

اتحددت ملكتنا احنا التلاتة في نفس اليوم لكن سبحان الله انها اصريت ان ملكتي ما تصير الا قبل الفرح بأسبوع و في النهاية وافقوا اهل العريس
اخواتي ملكو سوا في شهر صفر و انا قعدت استنى

كان المفروض احنا التلاتة نسوي فرحنا في نفس اليوم لكن ربي ماراد
اللي عمرها 26 صارت لزوجها ظروف و اتزوجت قبل الموعد

و اختي اللي 25 اتزوجت بعدها بتلاتة شهور على اساس احنا الاتنين فرحنا سوا لكن صارت ظروف و انفصلنا انا و خطيبي و الحمد لله رب العالمين ان ما كنا مملكين كان صرت مطلقة

من لما انفصلنا اتغيرت اختي مية و ثمانين درجة
اللي عمرها 26 ماشاء الله الله يسعدها عمرها ما حسستني انها اتزوجت
معاملتها معايا ما اتغيرت ابدا ابدا و ماشاء الله حامل دحين و لا عمرها حسستني انا او اختي اللي اكبر
مننا اننا عوانس ولا عمرها اتغيرت علينا او ضايقتنا بكلمة او حرف

اما اختي اللي 25 اللي اتغيرت بعد ملكتها اتغيرت عليا انا بس
كل شوية تقوللي يا عانس يا معفنة ياللي محد يبغاكي و غيرو من هالكلام اللي يقهر

كل ما صارت بيني و بينها مشكلة او كل ما ضايقها شي جاتني و قالت لي اصلا انتي ميتة غيرة و محروقة لأني ااتزوجت و انتي لأ عشان كدا مو طايقتني مع اني يا بنات و الله ما اتغيرت معاها
خلافاتنا هي خلافات الاخوات العادية لكن هي تحب تكبرها و تقوللي في الاخير اني عانس و اغار منها

الان البنت اتزوجت لها شهرين و طول فترة ملكتها و دحين بعد زواجها و هي كل شوية زوجي سوا زوجي عمل زوجي جاب زوجي اخد زوجي يحب زوجي يكره زوجي اهداني زوجي قللي زوجي سواللي و على هادا المنوال و هالكلام قدامي طبعا و اكيد اكيد كلمة عانس و غيرانة ما تفارق لسانها

الله يرحم ايام زمان لما كنا نقعد سوا نفضفض لبعض عن زعلنا عشان ما تزوجنا و للأسف اول ما ملكت استغلت كل كلمة فضفضت لها فيها ضدي و تعايرني فيها


قصة طوييييييييييييييييييلة ادري هههههههههههههههههه اسفة عالاطالة بس عشان اوضح لكم الظروف


المهم شبكة بنت اخويا بكرة ان شالله عقبال كل حبايبكم و كان المفروض نتحضر فيها انا و هي سوا لكن ربي ما راد لي و هي زوجها قللها لا تتحضري في الشبكة في الفرح احلى

تدرو امس ايش سمعتها بتقول.؟

قالت امي بكرة ماراح اتحضر لكن حالبس فستان فرحي واسوي مكياج و تسريحة شبه اللي سويتهم في فرحي عشان في ناس كان المفروض يتحضرو اليوم و ما يقدرو و ابغى اقهرهم و احرق قلبهم

طبعا امي فهمت قصدها و بهدلتها و مسحت فيها الارض و الحمد لله محد انتبه اني سمعت الهرجة






نجي للزبدة بعد كل هادا الشرح






قررت اني اليوم البس الفستان اللي كنت شايلتو لملكتي و الفستان ماشاء الله فخم فستان شبكة محترم كنت ابغا اكشخ فيه يوم الملكة و اخلي الكل يشوفني لا بسة احلى و افخم لبس عشان لا يقولو اتزوجت كبيرة ما راح تكشخ زي العرايس الصغار
لكن ربي ماراد الحمد لله

المهم قررت البس فستان الملكة و اسوي مكياج و تسريحة عروسة فخمين و اطلع اليوم
احلى عروسة و ساعتها هي اللي راح تنقهر مو انا

ايش رأيكم؟


تعرفوا ايش احلى شي في الفستان؟ ااني لما اشتريتو اخدت اصغر مقاس و ضيقتو و هي عجبها و راحت دورت زيو و اخدت اكبر مقاس و ما دخل فيها هههههههههههههههههههههههه
هي مسكينة وزنها مرة كبير


لما تشوفني لا بستو و متكشخة و اتمخطر زي العروسة و هي ما يدخل فيها راح تموت قهر هههههههههههههههههههههههه


و الله ماني فرحانة انها راح تنقهر بس شهور و الله و هي تحرق في قلبي و دمي كاني عدوتها مو اختها و السبب؟

ان هي تزوجت و انا لأ


كل شي يخصها تخبيه عني اي خبر اي شي جديد كل شي تخبيه عني و مرة سمعتها بتقول لأمي على شي تبغى تسويه في فرحها و قالت لأمي عنو وقالتلها لا تقولي لغدي اخاف من عينها و عين العوانس قوية
امي حبيبتي بردت قلبي و قعدت اربعة ايام ما تكلمها هههههههههههههههههههه

على فكرة اختي ماشاء الله درست جامعة في قسم ممتاز و وظيفتها ممتازة و زوجها وظيفتو و مستواه المادي ماشاء الله تبارك الرحمن لا اله الا الله ممتاز و هي كمان تحب تعايرني اني عاطلة و ماعندي راتب زيها و ما عندي زوج غني زي اللي عندها

طيب ربي ما رزقني لا زوج و لا وظيفة ايش اسوي؟
و المادةة الحمد لله طيبة و لو اطلب من امي و ابويا الله يحفظهم لبن العصفور ما يقصرو ماشاء الله و الحمد لله لكن اختي صايرة تعايرني بكل شي حتى كلام من جنس انتي عاطلة و علة على اهلي ما قصرت و قالتها الله يسامحها



السؤال ايش رأيكم في اللي قلتو اني البس فستان الملكة و اسوي مكياج و تسريحة عروسة؟
و لعلمكم الفستان ابيض و داخل فيه ورد صغيييييييييييير وردي ماشاء الله مرة حلو



لعلمكم كان عندي اخ متزوج و سوا حادث و اتوفى هو و زوجته الله يرحمو و عندهم كان ولد انا اللي بربيه دحين من لما كان عمرو شهور و دحين صار اربعة سنين ماشاء الله تبارك الرحمن الله يخفظو و يخليه ليا يناديني ماما بعد قلب و عين و عمر امو حياتي


و ههادي شغلة كمان تعايرني فيها تقوللي انتي مو بس عانس كمان مثيرة للشفقة لدرجة انو ماعندك ولد من لحمك و دمك و قاعدة تربي ولد الناس

يا عالم يا هو ولد الناس هادا مو ولد الناس هادا ولد اخويا اولا و ولدي ثاني و هو من لحمنا و دمنا
و حتى لو ماكان من العيلة حتى لو كان يتيم كفلتو من دار ايتام هادا الولد و الطفل غالي و يصير ولدك و تعامليه زي ولدك الحقيقي غصبن عنك لأنك عندك غريزة و حنان الام و الامومة و ما راح تفرق معاكي اذا الطفل ولد بطنك او ولد بطن ناس تانية صح و لا لأ؟
ترا اختي تحب الولد و تموت عليه يعني الحمد لله ما تكرهو



اختي اتغيرت كتير صايرة قاسية جدا جدا و السبب زواجها قبلي





الله يهديها