اختي الوحيده

فضفضه
لمن تكونين بمنطقه بعيده ومالك غير اخت وحده اكبر منك
ويعني تغيبين عنها شهر او اكثر
ولمن تتصلين عليها كل فتره وفتره
من نبرة صوتها تبين لك انها مي فاضيه لمكالمتك اوو تسمعك كلام يغثك
مثلا قلت كلمه بلمزح وقالت يووو انتي عند زوجك وللحين ماتسنعتي ماتعرفين تسولفين وجلست تهاوش
يعني قالتها بصوت يغث ويجرح ويفقد الواحد ثقته بنفسه
قلت لها طيب ياالله تامرين ع شي بقفل قالت مع السلامه
وهي المكالمه مالها عشر ثواني
بلله بهلحاله لو انتم مكاني تتصلون او تسئلون عنها
ماادري مستحقرتني اووو تكلمني كنها تكلم عدوها
ودايم تقول مو فاضيه وماني رايقه لمكالمتك
انا اشوف كثير مكالماتهن دايم مع خواتهن وضحك بينهن ومزوح ويفرحن ويقضن بساعات
انا مابي منها شي بس تادية واجب بعد الاسلوب الي تكلمني فيه
حتى مرات اتصل فيها وماترد
وترسل بعدين بلاوتس خير متصله فيني شتبغين
بلله هاذا اسلوب
ترى مو مجبوره ع مكالماتها
وكل اسبوعين مره اتصل فيها
ومااطول ف المكالمه عشان ماكون نشبه
حتى مرات لمن انزل حاله بلواتس
تعلق تعليق يجرح
مثلا ياويطي
او ياويلك من عقلك
او كلمه تغث
مره حطة مقطع عن الوالده
وانا حفظته وحطيته
علقت وقالت ياويطي خلص
وحتى لمن بنات خوالي يحطوني ف قروب هي فيه
تجلس تشابطني وتقولي اطلعي مالها الداعي تدخلين
حتى عند اهلي تقولي كلام يجرح ويغث وابعلها عشان هي كبيره
ياحريم صرت ساكته عند زوجي مااتكلم صرت ماعندي ثقه بنفسي ابد
احسني وحيده وماحد يوقف معي
ماحد ينصحني
لمن اسولف عليها بموضوع تقول يوووه على النكد
صرت مااسولف عليها
حتى مع الوقت تتشمت فيني
صرت اكتم كل شي عنها وماعاد اقولها
وصرت اخفيها من حالة الواتس عندي
حتى لمن اكون عند اهلي بطلع لسوق مثلا اشتري للعيد
ماتطلع معي تطلع مع زوجها
وانا اطلع مع اخواني لحالي احوس بسوق
اشوف البنات هاذي تشاور اختها وهاذي تضحك مع اختها
الا انا اجلس ساعه احتار وش اختار ولمن اشتري وارسل لها تقول وع وش هاذا مالقيتي بسوق غيره
ولمن البسه عند الناس ينهبلون من شكله انه واو وحلو
صرت اكره ارسل لها او اطلب رايها
خلص اقتنع بشي الي شريته او مرات اسئل صديقاتي ويعطوني رايهم وينصحوني
حتى لمن تزوجت وانا صغيره مفهيه عند زوجي ماعرف شي
لاامي نصحتني ولا اختي
وضليت ماسنعني غير زوجي يعلمني
توني فهمت الحياه
مشكلة اهلي ان بغو ينصحون الواحد ينصحونه بمسخره وضحك وتفشل قدام الناس
صرت اكره اروح لهم ابين لهم عكس الي عايشته
ماعادني مثل اول اسمع الي يتكلم علي ويغثني واجلس اضحك ويتمادون
المهم انتبهو من كلامكم قبل لاتطلعونه يمكن يكون شي عادي وتنسونه بس الي قلتوه له ماينسى وتضل بقلبه
لان انا كنت اجتماعيه واعزم وانعزم واقدم واسولف بكل ثقه بس لمن قالتلي الكلمه صرت ماعاد اسولف عند احد واحس ماعرف اسولف حتى قالت لي مره مشيتك تفشل لاني نحيفه وطويله فصرت ماعرف امشي قدام الحريم وامنيتي بلحياه اني اسمن
لاتقولون اني نكديه وحساسه
لاوالله انا طبيعتي عكسها
ودايم اضحك وامزح بسوالف وكل الي حولي يستانسون ع محاديثي
في وحده من جاراتي الله يجزاها خير كل ماتجيني وتسلم علي تقول ماشاءالله وجهك منور
وتقولي انتي حلوه وجميله مثلا لمن تشبني بعيالي
هاذي الانسانه دايم ادعي لها لان تعزز ثقتي فيني
الله يسعدها ...