السلام عليكم حوااااائياااات
تكفووووووووووون يا بنات ابي حل
امي بيجن جنونها من هالموضوع
وتعبت ووكلتني بالسالفه وابغى رايكم وتجاربكم يعني ابغى الفزززعه :(
اللي ماعندها وقت تقرى وتبغى تكتب تجربه مرت عليها او سمعت فيها تتفضل تكتبها على طول
لان القصه مالها حل الا
00الزوووووووووووووووووووووووواج00 :09:
الله يسلمكم احنا 5 بنات
الكبيره عمرها 27
بعدين انا وعمري 25
بعدين اختي الوسطى 22
السالفه بدت من يوم انخطبت انا قبل اختي الكبيره وهذا قبل سنتين
اختي في البدايه زعلت مو علي لا ان نصيبي شي قبلها واكيد كل بنت تفكر في الزواج شي يجي بالفطره
اللي حصل ان الخطبه تمت وعطونا فتره تقريبا سنه عشان الزواج يمديني فيها ارتب اموري لكن اللي حصل
انهم قدمو الزواج وصار بعد شهر
وكاي عروس تلاقوني اناقزمن سوق لسوق ومو فاضيه لاحد
اختي الكبيره بدت تشتغل فيها الغيره
وصارت تتهاوش معي على اي سبب واذا ما لقت سبب قالت ما تشوفي نفسك خلاص كبرتي وتكبرتي صرتي ما نشوفك ولا تقعدين معنا
يا ناس وش اسوووي يعني انا زواجي بعد شهر وبفصل فستان الزواج وكل شوي طالع لي الخياط بسالفه
غير الخلطات والزحمات اللي بسويها
اللي صار انها ماتبي تحضر زواجي والله ما اذكر ايش السبب بس من حزنها على نفسها ماتبي تشوف اختها اللي اصغر تتزوج قبلها
والله اني نسيت نفسي وتقضياتي واروح بس اراضي فيها وهي خلاص ركبت راسها
قلت الهديه تلين الراس واروح واشتري لها فستان اللي ابيها تحضر فيه عرسي واشتري الاكسسوارات حتى الجزمه جبتها لها وكلها بذاك المبلغ وانتو عارفين العروسه لو مهرها مليون بعينها قليل :22:
وقدمت الهديه والحمد لله حضرت الزواج
واحين بدت المشاكل النفسيه
لان اغلب بنات العيله تزوجو واعمارهم صغيره والله اللي بقو من بنات العيله ينعدو على الاصابع واغلبهم صغار اللي تدرس في متوسط واللي في ثانوي توهم كتاكيت بس بسن زواج
صارت تحقد عليهم وتحسدهم ما يحتاج تقول حنا حريم ونعرف بعض وخصوصا انها اختي وكلنا بغرفه وحده اعرف وش يدور براسها
لا طاحت وحده منهم بمشكله تتشمت عليها كانها عدوتها وتقول ايه محد قالها تعرس وتقط نفسها على اي احد واذا حملت وحده منهم وسقطت تقول وحده من ثنتين يا انها تكذب تبي توري الناس انه فيها عيال وتخلف او هذي حوبه يا ناس والله اسمع لها وقلبي يتقطع عليهم ولا اقدر ارد عليها تدرون ليش لان لو اردعليها اصير عدوتها وتبقى مخاصمتني شهر شهرين
ومو بس انا اي احد ينصحها او يرد عليها خلاص صار في البلاك لست وتغضب عليه وتخاصمه وتفتعل مشكله من ولا شي
واللي زاد الطين بله صديقتها الصدوقه نفس عمرها تقدم لها واحد مشلول ووافقت عليه اختي تقول والله لو اني ميته بالعرس ما اخذه شلون ارضى بواحد معاق وانا ادري من داخله لو حاصل لها بتاخذه وبترضى فيه
والله والله ان صديقتها ااذا تخاصمت مع زوجها تجي تشتكي لاختي واختي تجي تتشمت عليها مثلا تقول والله محد قالها تخاذ معاق
وحتى لما صديقتها اشتكت انه احتمال كبير ما يخلف ويصير عقيم ما قالت ياربي ارزقها الذريه الصالحه لا بالعكس كانت تتشمت عليها
زادت الامور لمااااا
هي موظفه ممرضه وتشرف على مريض والمرافق وياه اللي هو ولد المريض اعجب فيها فقام االابو اللي هو المريض وطلب رقم بيتنا عشان يكلم اهلي ويخطبها
دق الابو وسبحان الله امي اللي ردت وسال عن ابوي وينه ومع الحكي الرجال قال انه داق على بيتنا خاطب واخذت امي الاسم ورقمهم عشان ابوي يكلمهم
وجات قالت لي وامي فرحانه ومبسوطه قلت لها عطيني الرقم بخلي زوجي يكلم
لان ابوي اول شي كبير العايله ثاني شي كبير بالسن وما يحب لعب البزران والخرابيط
قام زوجي كلمهم
والنتيجه طلع اصله عراقي ومتجنس سعودي وشبه مقطوعين من شجره تخيلو في السعوديه بس هو وابوه وخاله وماعندهم حريم ابد ابدلا من قريب ولا من بعيد
جى زوجي حكى لي وقلت لامي وامي مرره زعلت وقالت خلاص قولي لزوجك يقولهم مافي نصيب والله لو ابوك يدري بيقوم قيامتنا
راحت امي تطيب خاطر اختي وتقول لها ان هذا ماله اصل وان الله يكتب لك الي احسن منه
هبت في وجه امي وصارت تخاصمها ورفعت صوتها واللي امي وجهها تغير كانها اصغر عيالها والله هم بالدور الثاني وتحت اسمعها كيف تصارخ علي امي وتقول لها كيفي انا ابيه باخذه باخذه
امي مسكينه نزلت دميعتها على خدها وقالت لي خلاص لا تقولي لزوجك شي
وانا بفوض امري لله وبدعي لها بقيامي وقعودي ان ابوي يوافق دامها هي موافقه وتبيه
مر اسبوع وهي مشاحنات مع امي وكلام طالع وكلام نازل وتقول لها ادري انتي اللي موقفه نصيبي انتي اللي ما تبيني اتزوج تبغي تخليني في البيت ليكون زوج لجونه شيخ وانا مادري والله انها صارت تسب فيني انا وزوجي سب كلام كلالام يعور القلب وبصارخ كان امي عدوتها موامها
قامت امي قالت ابقول لابوك وخلاص كيفك انتي وياه
راحت اميمتي وكلمت ابوي وابوي عيونه تقلبت وصارت تطلع نار وقامت الدنيا ولا قعدت ومن خوفها من ابوي قالت هاااااه انا خلاص اصلا غيرت رايي مابغاه وانتهى الموضوع عند ابوي
لكن عندها لا ما انتهى الا زادت نفسيه وصارت تكره اي انسانه متزوجه
تخيلو اخر مره شافت اهلي وقعدت معاهم كان في عيد الفطر تدرون ليش
بحجه ان
سبحان الله كلنا المتزوجات حديثا واللي ما حملو من قبل كم سنه حملنا بنفس الفتره كل وحده بينها وبين الثانيه شهر او شهرين او 3 وكنا تقريبا 6 او 7 بنات
وكل ما نجتمع مافي سيره غير الحمل والولاده وشي طبيعي
بنظرها ان هالشي لما البنات يتكلمون في يقصدونها هي انها ما تزوجت ايش دخل هذا بهذا
صارت تحس ان الكل ينظارها انها عانس وما تزوجت
اي كلام اي كلام تربطه بالزواج وخصوصا لما يصدر من انسانه متزوجه تفسره انها تقصدها فيه لانها لسه ما تزوجت
وبما ان بيت اهلي بيت زواره خميس خخخ :eek:
كل خميس او جمعه اهلي العمان والخيلان يتجمعون عندنا
تخيلو ما تنزل تسلم عليهم بسبب انها تحس ان عندهم شي هي مو عندها
وامي عجزت ترقع لها مره تعبانه مره في الدوام ومره توها جايه من الدوام الين اصلا اهلي نسو
ان امي عندها بنت خلاص ما عادو يسالون عنها ولا يجيبون لها ذكر
صارت انطوائيه ما تكلم احد ولا تبي نصيحه احد ولا احد يكلمها ولا احد يبي يكلمها لانها سليطه اللسان والله هي ما كانت كذا بس من فكره الزواج عشعشت في راسها وهي كذا
جابت الهم لامي وامي والله مابيدها شي والله من قلة الحيله تقولي
شوفي من اهل زوجك احد لها اقول لها يمه كيف اخطب لاختي اروح اقول للناس تعالو اخطبو اختي
وخصوصا ان اهلي من ديره واهل زوجي من ديره ومالهم احتكاك ببعض عرفتو اللي اخذوني وصكو بابهم
والله ولا ادري ان عندي اهل زوج الا في المسرات والمضرات ابد كافين خيرهم شرهم
اخر وسيله وصلت لها انا وامي اني اكلم خطابه
وتعرس وتفك امها من بلواها وغثاها
واحين ابي اسال اللي تزوجو عن طريق خطابه او سمعت ان وحده تزوجت عن طريق خطابه
هل الخطابه تجيب ناس اي كلام
لان امي تقولي يمكن الخطابه تجيب ناس مو زينين او ناس لهم سوابق او او او
وانا اقولها نسال وان ما عجبنا رفضنا مو خسرانين شي
بس قلت استشيركم واشوف تجاربكم :)
لجونه الحبوبه @lgonh_alhbobh
عضوة نشيطة
هذا الموضوع مغلق.
لا والله الخطابة مافيها شي وهي على حسب نصيبها والسؤال مهم
انا اخوان صديقتي كلهم عند الخطابة ومافيهم الا العافية ورجال بس تقول مانعرف احد
وولد عمي متزوج من خطابة بس مطلق وعنده بنت وماحد رظى يزوجه لأنه يبغى بنت وهو مايعيبه شي
لكن اغلب الجادين من الخطابة يكون متزوج ويبغى ثانية
انا اخوان صديقتي كلهم عند الخطابة ومافيهم الا العافية ورجال بس تقول مانعرف احد
وولد عمي متزوج من خطابة بس مطلق وعنده بنت وماحد رظى يزوجه لأنه يبغى بنت وهو مايعيبه شي
لكن اغلب الجادين من الخطابة يكون متزوج ويبغى ثانية
أستغفرالله العظيم الذي لاإله إلاهوالحي القيوم وأتوب إليه
الله يرزقها الزوج الصالح
الله يسعدها يارب
الله يرزقها الزوج الصالح
الله يسعدها يارب
ماادري احس القصه مبالغ فيها فكم من وحده متزوجه وتعيسه وكم من عازبه وسعيده وماادري ليش البنات عندهم الزواج شئ مايعيشون بدونه ويفكروا فيه ليل ونهار وكأن الي ماتزوجت لازم تنتحر او فيها عيب وغالبا توافق على اي خاطب وهذا خطا وكم بنات وصلوا الى منتصف الثلاثينات ولاهمهم الزواج ويجيهم على حين غفله يعني نصيحه لاختك انها لسى صغيره ولاتهتم وراح يجيها نصيبها وتعيش الحين الحياة العازبه بكل جمالياتها
الصفحة الأخيرة
اسمحيلي ابد ماعندي خلفيه