السلام عليكم
كتبت موضوع يخص بنتي وتم حذفه من قبل الادراه يقولون انه جريئ وخاص وهذا الموضوع يخص اختي اتمنى انه ما ينحذف وتساعدوني وربي اني في هم ومو قادره انام من قالي زوجي
اختي عمرها 33 سنه تشتغل معلمه يتيمه وعايشه عند اخوي انخطبت واتوقع عن طريق خطابه ومن زوجه اخوي لانه من منطقه ثانيه وما نعرفهم واختي ما تروح مكان من البيت للمدرسه وبس
جاو خواته وشافو اختي وعجبتهم انا ما ارتحت لهم لانا كلامهم كله عن طليقه اخوهم وحطو كل شي سيئ فيها ويمدحون في اخوهم وكأنه ملاك او معصوم وحتى العلاقه الخاصه بينهم تكلمو عنها وش يصير بينهم
اختي احتارت توافق او لا استخارت وقالت بوافق عشان ارتاح من اخوي
سوت تحليل وطلع مطابق وملكتها يوم الثلاثا
المشكله الحين جى زوجي من الاستراحه معصب وقالي اخوانك سألو عن الي خاطب اختك قلت له يقولون اي سألو قالي كذابين لانهم لو سألو كان اختك ما وافقت عليه قلت له وش صاير خوفتني
قالي بقول لك وببري ذمتي وانتو حرين في اختك بس بنتي لا يجيها شي وان جاها شي اخوك بيشوف شي عمره ما شافه وبخليه يندم طول عمره
قالي الرجال فيه وسواس ومرض نفسي ويمشي ويكلم نفسه
مطلق مرتين ,, وخواته قالو مره وحده طلق والسبب من طليقته
عنده خمس بنات ,, وخواته قالو بنتين
عنده صعوبه في الكلام ولسانه ثقل وخجوول مره
مايسوق سياره
قالو لها شقه كبيره في بيت اهله وقال زوجي لا شقه كبيره من غير مطبخ المطبخ مشترك مع امه
قالي يعني اختك بتطلع من حجيم وبتدخل في حجيم اكبر وقالي والله اخوانك مب رجال الي يوافقون يزوجون اختهم بس عشان يفتككون منها والله لو اختي ما زوجتها هالرجال
انا انصدمت وقلت لزوجي اكيد تمزح مو معقوله كل هذا فيه واخواني موافقين وساكتين قالي هذا زواج وليش امزح
وقالي عالعموم الي سمعته قلت لك وانتي تصرفي بس بنتي طلعوها من الموضوع
زوجي على خلاف ومشاكل مع اخوي وما يكلمون بعض اخاف اقول له عرفت عن طريق زوجي يقولي زوجك كذاب واناني ويحط حرته في بنتي لانها زوجه ولده واخاف اقول لاختي اصدمها واكسر خاطرها وهي جهزت كل شي لملكتها وعازمه صديقاتها
ابي حل الله يوفقكم وشلون اتصرف في هالمصيبه وانهي هالخطبه على خير ونفتك والله لو تدري اختي بجن الله يكون في عونها
عالمي المجهووول @aaalmy_almghoool
عضوة جديدة
يلزم عليك تسجيل الدخول أولًا لكتابة تعليق.
لاحول ولاقوة الابالله ...يمكن الي قالو لزوجك مفهمينه عن شخص ثاني بالغلط ...واذا الكلام صحيح اختك لازم تعرف ...صح بتنصدم بس اكيد متوقعه لانه مطلق قبل ..وقلي لها اذا بترفض لاتدخلك في الموضوع بس تقول ماابغى هذا الانسان ..الله يكون في عونك ويكفي اختك شرهذا الزواج
الصفحة الأخيرة
مو شرط تقولين زوجي
قولي اتصلت علي وحده تحذرني وتقول فاعله خير