الله يوفقها ويستر عليها ويرزقها من فضله العظيم

الله يوفقها يارب تستعين وتتوكل على ربها دام الرجال مايعاب عليه في خلق او دين ويمكن اخوها مستعار منه لانه يمني
ولااضع في ذمتي سوء الظن لكن يكفي ان الرسول قال اللهم بارك لنا في شامنا ، اللهم بارك لنا في يمننا

بعض ردود الاخوات مستفزه للاسف..
خليها تتزوج يمني يدلع زوجته .؟؟ والسعودي يعني طايح من عينك؟ مايدلع .؟حتى الهنود يدلعون زوجاتهم..
خلي أختك تأخذ المساله من كل جوانبها مو يعني انها بتوصل الثلاثين توافق..؟
الارزاق يبد الله وكل انسان مولود يأخذ رزقه..
وخليها تفكر برضو لبعيد مو المستقبل وبس.؟؟وتفكر بعيالها كيف بيعشون ومستقبلهم
ووظائفهم ودراستهم يعني كل شيء..ولاسمح الله لو عاشت باليمن كيف بيتكونن حياتها.؟ يعني من كل شيء تفكر وتستخير..
ومن رأي الخاص حلات الثوب رقعته منه وفيه لو اجلس لسن الاربعين..

انامااشوف ان سنها كبير لان البنات صارو يتزوجون بالثلاثينات اذا مرتاحه وتبي توافق كيفها بس اهم شي
لاتوافق عشان عمرها وخايفه تعنس لاتفكر هذاالتفكير
لان هالتفكير دمر بنات كثير تنتبه واخوها والله انه خايفه عليها وعلى مستقبلها وعيالها الله يقدم لهااللي فيه الخير

الخيانه ماهي حصر باليمني ولا سعودي الرجال طينه وحدة اذا يبي حرمه وعنده دين بيتزوج واذا ماعندة دين بيخون وبعدين اقولك ترى اليمنيين معروفين بطيبة الاصل عمتي ماخذة يمني والله عززها ورززها وشايلها بعيونه وانا لاحضت من مجتمعي اللي انا ساكنه معه واللي اغلبهم يمنييين مافي مثلهم بحنيتهم على حريمهم وعيالهم خوذيها مني بثقة..
والحين ماشاء الله ماقصر ابومتعب الله يطول بعمرة اظن اني سمعت ان السعودية لوتزوجت اجنبي عيالها يعاملو مثل السعوديين من ناحية العلاج والامور الحكومية
وبنت عم زوجي بعد ماخذة يمني وعيالها مثلهم مثل السعوديين عادي من ناحية مثلم اقلت العلاج والامور الثانية
الله يوفقها وياشيخة خلها تتزوج وتنبسط ..
شكل اخوك متأثر بالحوثيين خخ قوليله الحوثيين شيعه والشيعه هم هم سواء سعودي ولاحتى ايش ماكان ..