اختي انخطبت و لكن .... / استوفى الرد

السلام عليكم
انا اختي انخطبت اتقدملها رجل من جنسية غير سعودية بس احنا سعوديين
و اللي دل الشاب علينا اخته لانها كانت صديقة اختي في التحفيظ بس سافرت و بعد فترة كلمت اختي و قالت
انا اتمنى انك تكونين زوجة لاخويا
طبعا اهله و هو كمان ساطنين في بلدهم يعني خارج السعودية
الاسبوع اللي فات زارونا يعني تخيلوا سافروا من بلدهم عشان يخطبون اختي و انا حسيت ان الرجل جدي في الحكاية الزواج ربنا ييسر اللي فيه الخير
والدي و اهلي طبعا استغربوا لانه اول مرة تنخطب بنت من عايلتنا و من جماعتنا كمان و يكون العريس اجنبي يعني مش سعودي
بس الوالد شاف الولد و حاس انه ولد طيب و خلوق
و طبعا اعطونا اسبوع تفكر اختي لانهم يبغى يشوفها نظرة شرعية يعني
و فعلا استخارت اختي و ارتاحت كتير و اقتنعت و اخذت قرارها و وافقت
بس لما وصل الخبر الى خوالي و اعمامي زعلوا و رفضوا و واحد من عيال عمي قال انا بتزوجها المهم ميتزوجها احد اجنبي
اختي زعلت قالت انا ما راح اتزوجمن الاقارب و انا معاهم 24 ساعة ليه ما خطبني الحين لما تمت النظرة الشرعية و وافقت عليه يجي يقول انا ابغى بنت عمي؟؟؟؟؟؟
المهم الحين جدي ابو ابوي يقول لو تم الزواج انا ما اعرفكم و لا انتوا تعرفوني
طيب ليه جدي اللطيف:tongue: التعقيد هذا المهم الدين و الاخلاق و الولد من اصل و نسب و خلق و دين ليه نرفضه؟
بعدين اختي قدامك ليه ما احد خطبها الحين لما تم اتفقوا تقول ولد عمها اولى بها؟:44:
و الله تفكير غريب
ايش رايكم بتفكير جدي ؟
و احتي لو تزوجت من الرجل الاجنبي راح تروح معاه لبلده تعيش معاه هناك و خايفة عليها من الغربة بس انا قولتلها اتحملي اي شيء علشان بيتك و زوجك في المستقبل ان شاء الله
و اقاربنا و اهلنا و معارفنا لما عرفوا ان اختي راح تتزوج اجنبي الكل ينظر لنا نظرة استغراب و انتقاص:44:
طيب ما يعرفون ان الزواج نصيب؟
و الله الناس ما يعجبها العجب