اختي ايش اسوي معها

السلام عليكم ورحمه الله وبركاته
كيفكم اخواتي
والله انا اعتبركم اخواتي واحب نصايحكم فابغاكم تنصحوني
مشكلتي اني تزوجت وسافرت من بلدي الى بلد زوجي وفي نفس البلد اختي لكن هذه اختي اكبر مني وسببت لي الكثير من المشاكل في بدايه زواجي من تدخلات في حياتي ونشر اخباري للناس وطبعا لما تقولي الكلام لاختك يكون بصدق وهي تاخذ الكلام وتضيف عليه وتنشره بقصد تشويه سمعه اهل زوجي ويوصل الكلام لاهل زوجي وتصير مشاكل مالها اولمن اخر
بس انا ادركت الموضوع وسرت ما اقولها شئ لا عن حياتي ولاحياه اهل زوجي ومرت الايام وكبروا بناتها ولما تصير عندهم جمعه بينهم مااتكلم اقول يبغوا يجلسوا براحتهم واتركهم لكن لما وحده منهم تجي عندي لازم اعزم الكل ويزعلوا ليه ما قلت لنا واخر شئ امس راحوا عند بنتهم وانا هذه البنت مارحت عندها اكثر من 5 شهور وما عزموني مع اني كنت طفشانه وقلت لهم اني قاعده في ا لبيت وما قالوا ليولما عاتبتهم اختي جلست تلف وتدور وانه كان الوقت ضيق وسمعت بنتها تقول مو لازم كل مانتجمع نقول لها
كما انه انا لما اروح عندهم مااروح الا في السنه مره اومرتين وهم اقل شئ في الشهر 10-12 مره يجونيولما يجوني استقبلهم احسن استقبال واعمل لهم عشاءواقدم لهم افضل ماعندي لكن لما اروح عندهم -مو جوع-بس ما يقدموا لي شئ الا شاهي وبسكوت شاي اومعمول حبه واحده فقط ومره رحت مااكلت شئ لانهم باشروني معمول فقط واكلته بنتهم الصغيره
انا مني جيعانه بس حاجه تقهر انا اعطيكم احسن ماعندي واقابلكم احسن استقبال وهم -بنات اختي -احيانا كثيره مايسلموا علي واعمارهم 20-18-15 سنه تخيلوا وامهم ماتكلمهم
وكل ماحبت اختي تخرج رسلت ولدها يلعب مع اولادي وعمره 13 سنه وما ترجع تاخذه الا اليوم الثاني ومااتكلم واقول اختي مالي غيرها بس احس انها زودتها هي وبناتها
ايش رايكم ابغى نصيحتكم