اختي بتدمر حياتي

عزيزاتي وأخواتي محتاجتكم جدا جدا والي شجعني على الكتابة لكم ردودكم للأخوات المشاركات بمشكلاتهم......هذي اول مشاركة لي معاكم:icon28:
المهم ! ادخل في الموضوع على طول
عندي اخت كبيرة يعني اكبر وحدة في البنات متزوجة تقريبا من18 سنة وكان يسكن معاها ام و اخو زوجها الصغيروكان في هداك الوقت في المتوسط اللي جلس عندهم ست سنوات وبعد كذا انتقل لمنطقة ثانية لإكمال دراسته الجامعية شاء الله اني أكون سلفتها واتزوج اخو زوجها الصغير بعد انا كمان ماخلصت من دراستي انا متزوجة ليه 10 سنوات(الحمدلله ...اله يبعد عنا الشر ان شاء الله ......حاتقولون طيب فين المشكلة؟؟؟
دائما كنت أشوفأختي هذي قدوة لية اشوفها الصدر الحنون الي ممكن احتاجه في الوقت اللي أبغى حتى بعد ماتزوجت اخو زوجهاوبحكم سكني بعيد عن أهلي وأهله كنا نجيهم في الإجازات وكنت أشوف منها حركات تضايقني واستغرب منها وأقول في نفسي امكن متضايقة أوأحد مزعلها أو ...او...مثلا يجي يوم اقولها خليني أسوي الغدا اليوم تقلي لالا معليش خليه وقت ثاني لمن كنت أنا وزوجي تونا متزوجين وكنا نطلع من عندهم واحنا راجعين تلقين وجهها يتلون مليون لون.......ولمن كنت أولد كان زوجي يهديني ذهب اوريها بكل طيبة ونية صافية.. ويعني عمره ماجاء في بالي انها حاسدتني وانه زوجي ربي اكرمه بعد ما كان طالب عادي واصبح انسان ناجح في حياته بشهادة الجميع.المهم علاقتي باهل زوجي رسمية ولااحب أنهاتتغير عن كذا وهيه علاقتها بهم سخيفة جدا لية؟؟؟؟ لأنهم ماخذين عليها مرة لدرجة حتى غرفة نومها مفتوحة لكل من هب ودب فيهم وأحيانا يغلطون عليها ويقولولها معليش نمزح
أم زوجي كانت ساكنة مع أختي من اول مأتزوجت يعني كان وجود ام زوجي ازلي من قبل حتى مااتزوج أنا وكانت أختي هذي تعيش كثير من المنغصات في حياتها بسسبب ام زوجها وكانت تسير لها الكثير من المشكلات للكن للأسف كانت تخضع للقمع من زوجها وكم مرة كنت اتواجد عندهم والقى كل واحدة زعلانة من الثانية وماتكلمها ولمن تروح اختى من الجلسة تقعد ام زوجي تشتكيلي منها والثانية كذلك ....بس انا كنت ابدا مااتدخل.لأن هذي حاجة مالي شان فيها
معليش طولت عليكم لكن المهم أنه قدرالله اننا ننقل انا وزوجي من المنطقة البعيدة الى نفس المنطقة الي أهالينا فيها
وهنا بدات المشاكل :icon33:لمن كانت تجي ام زوجي عندنا تجينا اسبوع مثلا تحرق لنا البيت بالمشاكل بيني وبين زوجي وتروح وطبعا تروح عند مين ؟؟؟ عند أختي وزوجها ووطبعا تتبلى عليه أنا ب أ شياء لاحول ولاقوة إلا بالله ففي هذي الحالة اختي صارت تتدخل وتتلقف في أشياء المفروض ماتتدخل فيها وتتدافع عنها وتتطلعني انا غلطانة ومن هنا جات المشاكل بيني وبين اختي لانها عارفتها اكثر مني حتى ولدها عارفها وبرضها تتدافع معاها بعد كذا زادت المشاكل وفي كل مرة اختي تطلعني انه انا السبب في المشاكل وعلى قد ماتغلط ام زوجي بتصرفات وكلمات جارحة تطلع هيه حرمة كبيرة ومتدري ايش قالت وانا الغلطانة في كل مرة تجينا فيها توصل المشاكل للطلاق بيني وبين زوجي والمفروض عليه يااحتفظ بكرامتي او أكون زي اختي خنوعة ومستسلمة لزوجي وامه...
.وبين هذي وهذيك وذاك حاتقولولي فين وايش موقف زوجك؟ ....
.زوجي انسان هادي ومسالم جدا ومايحب المشاكل في وقت من الأوقات حسيت بسلبيته في أي شيء يتعلق بامه (لدرجة انها مرة خرجتني من بيتي في نص الليل تقول لولدها وديها بيت أهلها.. هذي المشاكل تواكبت مع وقت الله اكرمنا انا وزوجي وسكنا في بيت احلامنا اللي تعب زوجي كثير عشان نخلصه على خير مع العلم اننا ماقلنا لأحد اننانبني بيت عمرنا وهنا جات اختي بزيارة اولى بعد ماسكنا بيتناوفي قلبها نار وتقولي ترى عمتي تتكلم فيكي ودائما تقول متى ربي يعوض على ولدي فلان ويعيش ويتهنى طبعا انا صدقتها في كلامها لأنها اختي الكبيرة ومش معقول تكذب عليه ماقدرت استحمل واخرب علاقتي بزوجي وخصوصا عندي اطفال طلبت من امي انها تكلم اخت زوجي [انها تمسك وترد امها عن الغلط وانها تخليها عندها لأنها سببت الكثير من المشكلات بيني وبين زوجي وبيني وبين اختي) وهنا جات الفرصة قدام اختي انهاتثبت بانها السلفة الشاطرة المحافظة على زوجها وبيتهاوالمحبة دائما وأبدالأهل زوجها فقامت تغلط علية بكلام كبير جدا يوصل للشرف عند اهل زوجي وتقولهم بالحرف الواحد( اصلا ابويه هواللي قال تعالو خذو فلانة) وتررى هذي اختي ماتحافظ على اخوكم ومشاكلها دائما عند اهلي راح تقولولي كيف عرفتي انها قالت كذا هيه بنفسها قايلتلي هذا الكلام... ترى انا قلتلهم.......
وشوفي هذا زوجك انا اعرفه دائما كنت انا وهوه نجلس نسمر في الليل سوا لوحدنا وكنت ابغى أي حاجة يجبلي هيه أنا انصدمت بشدة من هذا الكلام وماني قادرة استوعب أي شي ذحين هذا الكلام كله بس عشان طلبت من امي تكلم اخته لا....لالالالالا الموضوع اكبر من كذا بدأت افكر ايش الوضوع بالضبط
قولولي لوكنت غلطانه ..
وانه موبس انا محسودة من اختي حتى زوجي محسود من اخوه الكبير وان الله كيف رزقه بهذي السرعه وهو لسه صغير وصار له بيت ملك بالإضافة لنجاحه في عمله
انا محسودة من اختي اللي شايفتني مااستاهل الخير اللي انا فيه وخصوصا انها معلمه سبحان الله والنعمه موباينه عليها لأن زوجها ياخذ راتبها
او استغفر الله ان زوجي واختي بينهم شيء قديم وانا زي الأطرش في الزفة.... والله ماني عارفه
راح تقتلني سلبية زوجي حتى بعد ماعرف بهذا الكلام :icon33: