اختي تبي تجهض وانا مدري كيف اتصرف

السلام عليكم

رجااااء ماابي تجريح ولا ردود قاسيه

بحكي لكم بالمختصر اختي اكبر مني بثلاث سنوات عندها ماشاءالله3 اطفال البنت الكبيره بثاني ابتدائي وتوم ولد وبنت 3سنوات ونصف...

المهم كلمتني قبل يومين انها شاكه انها حامل لان زوجها منعها تشرب حبوب لانها تسبب لها عصبيه وقالت اذا طلعت حامل باسقطه...

وانا صرخت عليها ونصحتها وحذرتها وعطيتها ادله ع فعلها العظيم هذا واقولها شفتي قريبتنا ماتت لماسقطت الجنين باراداتها وبتقابل ربها وهو غاضب عليها وماينفع وكذا وهي مصممه

واليوم ترسلي صوره الفحص وتقولي طلعت حامل بالرغم ان دورتها للحين مو متاخره...وقالت بسوي فحص دم واتاكد واجهضه بدون لاحد يدري....وانا صرخت عليها ونصحتها وقلت لها تتذكرين قبل 4سنوات وشوي تعبتي ماخليتي دكتوره ولادواء عشان تحملي وربي رزقك بتوام والان بكل بساطه بتنزليه ماتدري ربي ينتقم لك بواحد من اولادك وهي ولا معطيتني وجه بس حلفتني مااتكلم ولامخلوق وحلفتني بحياه اولادي وفي دكتوره قريبتنا قالت بتعطيها الحبوب مقابل مبلغ مادي كبير....

بنات انا ضميري بيانبني وحاسه بقلق وقلبي مو مرتاح...هل اكلم امي ولا اختي الكبيره وهي حلفتني هل عليا اثم....لوسمحتو لاتخرجو عن مسار الموضوع كعادتكم سوالي الحين عادي اذا كلمت امي اولا عشان فعلها عظيم وثانيا عشان اكون عملت اللي عليا انا بغربه وهذا اللي اقدر اسويه بس...

وبتقولون ليه تبي تنزله قالت ان حياتها هي وزوجها ع طول بمشاكل وخياتها مش مستقره بسبب انه مغترب وللحين مااخذها هي والاولاد عنده وانه مو قد المسوليه وماعاد تبي خلفه الحين الا لمايتعدل...طبعا كل اعذارها غير مقبوله ولافي سبب ولا واحد بالميه قوي يخليها تسوي هذا الشي... ولو لاقدر الله يحصل شي وانا الوحيده اللي عارفه بتصير مشكله وكمان فكؤت اكلمهم عشان يمنعوها لو حتى يكلمو زوجها وتصير مشكله ع راسها المهم ماينزل مادام ماسوو اي حل من البدايه يتحملو الخلفه والاولاد...بنات سامحوني كلامي ملخبط بس مصدومه...

وخايفه وابي اتصرف قبل فوات الاوان وعشان ربي مايعاقبني باولادي