حرام عليك .... وين بتروح يعني ؟ ....اختك لحمك ودمك وعيالها المفروض حسبة عالك

الله يهديك خليك وسيعة بال واختك 5 مو كثير وانتي ماتدرين عن ظروفها يمكن تتمنى الولد فكانت تحمل ع امل الله يرزقها ماتتمنى الله يكتب لها مرادها هذا اذا كان فترت حمالها ورا بعض
وانتي تقولي عندك عيال ماذكرتي كم عندك
والمعروف البنات اهدا وارق ويستجيبوا اكثر انا ام ومجربه واش الشغل اللي بتكلفك فيه الطبخ ياشيخه بتاكل هي وبناتها من نفس الاكل اللي بتطبخوه لكم والضيافه هي قهوة وشاي والباقي تجيبه من برا
وعندكم شغاله بكذا لاتنظيف ولاغسيل وبناتها فرصه يكونوا عيالكم قريبين من بعض ويلعبوا وينبسطوا
وانتي وسعي خاطرك وخلي جمعتك انتي واختك وناسه وتسليه لكم ول امك وانبسطوا كلنا ضيوف وبنغادر هذي الدنيا بننفقد من اقرب الناس لنا وتبقى ايامنا وجلساتنا ذكرى
ياليت ساكنين انا واخواتي بمنطقه اهلي كان نجتمع كل اسبوع عند امي

وعشانك عارفه ومتأكده ان الكلام الي تقولينه عن أختك عيييب عليييك ومستحيه منه مغيره عضويتك عشان ماتنعرفين يمكن معرفك الاول البنات آخذين عنك فكره حلوه وماتبغين نظرتهم لك تتغير بعد هالموضوع تعوذي من الشيطان وروحي اشتري لأختك هديه وباركي لها مالك الا إختك لحمك ودمك

دام عندك عيال ومجربه النفاس اكيد عارفه تمام المعرفه انها تحتاج مساعدة .. لو انك ماجربتي كان قلنا ما تنلامين لسى ما تعرفي بس انتي ام ومجربه ساعديها باللي تقدرين عليه واقنعيها بالشغالة قولي امي مره كبيرة ما تقدر وانا راح اهتم بالصغار واجرك على الله والناس لبعض مصيرك تحملي كمان تخيلي في نفاسك محد يوقف معاك او انك خذيها من قاصرها ولا تروحي الا زيارة وارجعي بيتك اما تتكلمي عن اختك بذي الطريقة فلا حول ولا قوة الا بالله هي اللي محتاجه الجلوس عند اهليك انتي بصحتك وهي نفاس اذكري الله ولا تخسري اختك على كم يوم