اختي ...تتزوج للمره الخامسه عادي والا لا

عندي اخت اكبر مني تزوجت 4مرات




مدري محظوظه والا حظها سيئ مع انها اخلاق ودلوووعه وبيضاء وجمالها عادي






اول واحد على طول تطلقت منه لانه تعبان نفسي

والثاني ماحبته ابداا وهو كان ضعيف شخصيه واستمرت معه سنتين واطلقت

وعلى طول انخطبت من صديق زوجها الثاني وكان مطلق وكان اخلاق واستمرت معه 4سنوات خلفت فيها ولدين

وصار بينهم مشاكل كبيره مع اهله وطلقها

وجلست سنه وخطبها ولد عمي وكان متزوج ونكدت عليها زوجته وطلبت اختى الطلاق



واول ماتطلقت جاها تعين بمدرسه بمدينه ثانيه بعد انتظار لمده 10 سنوات هالوظيفه توها تجي وخطبها واحد من اهل المدينه اللي تعينت فيها مدرسه

بس المشكله الناس بدوا يعلقون ويتكلمووون واخاف ياثر على عيالها اذا كبرت قلت لها بلا زواج وهم خلاص

وهي تقول مااتخيل نفسي بدون رجال

مدري احس صرت استحي انها اختي حتى زوجي بدا يمزح مززح ثقيل ويعلق على زواج اختي؟؟؟

وش نظرتكم انتوا للي تتزوج كثير

مع انها طيوووبه وكل الناس تحبهاااا واجتماااعيه بس مالها حظ

عطوني رايكم؟؟
علشان اخليها تشوف الكلام