اختي تحتاج دعواتكم

بسم الله الرحمن تالرحيم
اخواتي بنات عالم حواء اختي تحتاج دعواتك بشدة والي ما تقدر ترد في نفس الموضوع ياريت تدعي لها في ظهر الغيب لان دعاء المسلم لاخية المسلم في ظهر الغيب مستجاب باذن الله
اخي قصتها باختصار شديد هي بنت حلوة وشياكة ومرحة وفرفوشة واثقة من نفسها وبنت عيلة ثرية الحمدلله والاهم من هادا كلو انها ملتزمة وتخاف الله
وكان الكل يتمناها والكل يحلم فيها وناس كثيييير يخطبوها وربي كتب انها تتزوج رجال طيب وصاحب خلق ودين ويحبها ويموت عليها ابوي الله يخلية لنا عملها شبكة فخمة ومكلفة وزوجها عمل الزواج تشارك فيه مع الوالد وكان زواج اسطوي فاخر بمعنى الكلمة .............بس والله ما شافت البنت خير من يوم زواجها اصيبت بعين قوية لدرجة انها وصلت مع زوجها جناحهم بالفندق وكلها نص ساعة والبنت مشلولة ما تتحرك وربي زوجها مات من الخوف وكلمنا وجينا نقرا عليها قران الين الحمد لله قامت البنت بس انها كانت كل ما قرب منها زوجها تجيها حالة غريبة وتجلس تبكي بطرقة هستيرية وجلس الرجال ساكت فترة طويلة الين وداها عند شيخ قرا عليها وطلع عندها سحر ربط ومع القران الحمد لله مشي حالها بس صارت مريضة ودائما هزيلة وذبلانة والكل استغرب منها من مرض لمرض والله العظيم انها تروح المشتسفى كل يوم تقريبا وتتنوم بالمستشفى بالاسابيع الين شخصو الاطباء عندها مرض غريب وهو القولون التقرحي بس الغريب بالامر انو الحالة متطورة بشكل غريب والدكاترة قالو مستحيل توصل للمرحلة هادي بدون مقدمات وحولوها لمستشفى الملك فيصل التخصصي عملولها تحاليل وفحوصات وبعدين الدكتور قلها يابنتي اعذرينا انت مالك علاج ابد وحالتك ميؤوس منها لان المرض متطور بشكل كبير فالاحسن انك تكملي علاجك في مدينتكم وعلاجك حيكون بس مسكنات لان الالم غير محتمل والله العظيم انها تدخل الحمام الله يكرمكم يخرج مها زي اللحم المفروم امعائها متقرحه لدرجة مميتة وتنزف وصار عندها فقر دم لدرجة انها تحتاج نقل دم كل فترة وعايشة على المسكنات والكرتزون وطبعا الكل عارف مصايب الكرتزون كيف يسحب الكالسيوم من العظم ويزيد الوزن والله العظيم البنت صارت كانها عجوز وهي عمرها 19 سنة ووزنها لمن اتزوجت 48 صار 77كيلو بعد ما كانو الناس يحكو ويتحكو بجمالها صارو يتشفقو على حالها وديناها عند مشايخ كثيييير وكلهم اجمعو على انها مسحورة سحر مرض وسحر تفريق وحالها من سيئ لأسوأ البنت صارت شبح لونها اصفر وظهرها محني وشكلها غريب وربي كتب انها تجيب طفلين ورا بعض والله العظيم تتصل فيني تبكي تقولي اطفالي يبكو قدامي من الجوع من قوة الالم الي فيني ما اقدر اقوم اسوي لهم رضاعة واغير لهم تستني زوجها يجي من العمل وطبعا تركت دراستها بالكلية الين وزجها قدم لها على خدامه
طبعا جالسة تتعالج عند الشيخ بس الشيخ يقول السحر قوي مرة وبيتجدد وحتى الشيخ الي بيعالجها اتأذى من الجن بسببها وصارو يهددوه وتركها وزوجها وداها عند شيخ ثاني ونفس الكلام قالها السحر بيتجدد
مسكينة البنت صارت انطوائية وموسوسة وتصرفاتها غريبة وتخاف بطريقة غريبة مرة حتى من ابويه تخاف يمكن عشان الوالد ملحتي لانها تخاف من اي رجال ملتزم وملتحي ولمن تصحى من نومها تشوف غرفتها كلها مرشوشة دم وتشوف عقد من الشعر كبييييرة وملتصقة بسقف الغرفة وطبعا نومها كلو كوابيس واحلام مزعجة لدرجة صارت تخاف تنام هي لها على هادا الحال اربع سنوات
معليش اخواتي الكلام ملخبط بس معليش سامحوني والله دموعي ما وقفت ادعولها بعد كم يوم عندها موعد منظار للقولون لانهم خايفين يتحول لسرطان وقالو احتمال يستاصلو القولون لاقدر الله تخيلو بنت زي الوردة عمرها حاليا 23 سنة الي يشوفها يقول عمرها ستين بعد ماكانت مرحة ونكتتها حاضرة وجلستها حلوة صارت ساكتة ومنعزلة حتى ملامحها تغيرت والله العظيم حتى نظرة عينها صارت غريبة مو طبيعة اي احد يشوفها يلاحظ
اطفالها مرمين على الخدامة وزوجها صااااابر بس لمتى مسكين وهو من يوم تزوج ما عاش زي الناس حتى شهر العسل كان حاجز على اسبانيا التغى عشان مرضها الله يرفع عنها حتى لمن ندعي على الي سحرها انو ربي يبتله بمرضها تقول لا تدعو على احد يشوف الي صاير فيني تقول والله العظيم انو طلق الولادة اهون من الالم الي تحس فيه اربع وعشرين ساعة وتقولي الله لايكتب الالم الي فيني على مسلم
بنات دائما توصيني على اطفالها وتقولي حاسة ساعتي قربت تقولي عوضيهم عني ........ عوضيهم عن امهم الي ما حسو بحنانها من يوم انولدو وهي مرييييييضة تقولي خلي زوجي يتزوج وحدة طيبة تسعدو وتعوضو عني
دائما تقولنا سامحوني اذا غلط عليكم يمكن اليوم انام وما اقوم ويمكن بكرة اقوم وما انام الا بقبري بنات قلبي بيتقطع عليها ادعولها بظهر الغيب لعل منكم من لو اقسم على الله لابره لا تنسوها في اوقات الاجابة فهي بامس الحاجة للدعاء انو ربي يتلطف بحالها اسمها ام حمزة