السلام عليكم خواتي الله يفرج لكم وللمسلمين كل كربة
ابعرض عليكم مشكلة عندي مضيقة علي وتحملو اذا طولت عليكم لاني ابحاول اشرح شوي تبين لكم المشكلة
انا سبق وبمواضيع سابقة عرضت لكم مشكلتي مع اختي الكبيرة والرابط
http://forum.hawaaworld.com/showthread.php?t=1470456
وقلت لكم عن اختي الثانية كلهن اكبر مني من يمكن عشر الى خمسة عشر سنة وكلهم مدرسات حكوميات قديمات اصغرهن تشتغل وانا بثاني ابتدائي ودرستني احد المواد وانا بسادس ابتدائي يعني حرمة
الكبيرة تقاعدت من حوالي سنتين شفت منهم شي ماادري وشسببه تعامل وكيد وتسلط واحتقار ماشفته من الناس الكبيرة الحمدلله ماسببت لي مرض نفسي بفضل رب العالمين
واللي تحتها معها متحزبة اذا الكبيرة زينت معاملتها معها واذا اساءت معها بس على اقوى واشد يعني الكبيرة اهون واعقل لكن الثانية اللي شي متسلطة علي وعلى بنتي وفيها شيخة ونفخة مهيب عادية وتحتقر الضعيف وتسخر وتطنز بالضعيفين بس وش سوينا ماندري بنتي تدرس بمدرستها العام هاوشتها بالمدرسة وفشلتها قدام البنات وجررتها مع عباتها الظهريوم العام يوم يجينا الغبار والعاصفة تقولها اطلعي بسرعة طيب وشلون تسرع بزر توها ماتعودت على العباة صارت بنتي تخاف منها لاتهاوشها قدام البنات قالت لي اذا هاوشتني وش اقول قلت لاتقولين شي قولي حسبي الله عليك من حر مااوجس وانا بظروفي ذي تسوي ببنتي كذا واخر شي طلعتها من سيارتهم لاني ماابي بنتي تنقهر من احد ماابي اقسى عليها وصارت تاخر بالمدرسة ويمر عليهم سواق وحدة من خواتي الثانيات الله يجزاه خير وبالعيد الفطر اللي فات كنت مستانسة بالعيد ومستشبرة لاني شفت ليلة القدر وشفت شمس الصبح لذاك اليوم وبالعيد نويت اسلم عليهم واحبهم والله العظيم نزلت واقبلت عليها ابلسم عليها وهي داخلة مع الباب وانا اقرب لها مكشرة حتى الابتسامة ماابتسمت وتقول تراي مااشوف تراي مااشوف واروح وارقى واقعد اصيح وانام يمكن كانت الساعة ثمان
سببو لي متاعب وضيق يحملونك هم فوق همك ومن حوالي سنة صرت اشوفهم كم مرة باحلامي اني اتحسب الله عليهم بقهر قهر شديد وحرقة
ومن شهور اصيبت الثانية المدرسة بولدها اكبر واحد وتاثرت وحسيت بقطعة من قلبي والله العظيم اني كنتت ادق على جواله واسمع بس صوت القفل واصيح والاكل ماعاد اكل يعني والله العظيم لاتحسوبني فرحت لا والله اهوجس بشكله وهو ماشي وهو رايح وتاثرت وعشت حال لايعلم به الى الله ومر بنا ظروف صعبة
بعد اللي صار بالولد زانت الاولى الكبيرة معي انا وبنتي وصارت تكلمني من نفسها وتكلم بنتي وراحت نفختها علي يمكن عشان شافت تاثري على الولد ولانت
لكن ياناس ام الولد منتفخة علي بشكل غريب على انه خفت نفختها شوي عن اول والله اني اهديها وانا لاموظفة ولا شي وابي يروح اللي بالنفوس وصلة رحم وبركة من رب العالمين ولا والله تقولي جزاك الله خير ولا شكرا ماابيها تقولي شكرا بس لا تنفخ علي واني ياناس لا انا ولابنتي ماقد شفنا منها نص هدية انا حرمة كبيرة وبنتي بسم الله عليها حرمة بسادس ابتدائي تحترمني بس ماابي منها شي لي كياني ومااطلب الا الاحترام
بنتها الكبيرة بالجامعة تحبني واذا جو عندنا ماانزل ترقى لمي وتسولف علي وتعلمني اشياء ماتعلمها امها وانصحها واوجها وتقولي الله يجزاك خير ياخالتي ومرة استشارتني بشي امها رافضته وجيت بعد ماراحت ارسلت لها رسالة وقلت لها استخيري اذا هو خير لك بترضى امك واذا شر بترفض وخلاص وشافت الرسالة الام وزعلت على البنت (طبعا زعل بسيط لانها تدلل عيالها بشكل غريب )وجت البنت وش سوت ؟ راحت سمتني بجوالها ريمو بيوم وانا اقلب بجوالها استغربت يوم لقيته كذا وحسيت بالاحتقار يعني وش سويت لهم عشان هالنبذ قلتلها ليش كذا مسميتني ؟ انحرجت البنت وقالت بس كذا قلت شوفي انا مانيب الحمدلله عيبة اكتبي اسمي بجوالك قامت كتبت اسمي
شفتو وشلون الاحتقار والنبذ ولا تقولون لي اقطعي علاقتك بالبنت لاني البنت طيبة وتحبني وتدعي لي وتحب بنتي واصلا لو تسوء معاملتي لها كان الله يعيني من امها واختي الثانية
والله العظيم لو انا ناصحة البنت بشئ سئ والا قايلة لها اعصي امك كان عذرت الام لكن والله ان شاء الله اني اراعي ربي
احاول اكلمها وتنفخ علي بشكل مهوب طبيعي يوم ولدها مفقود ويدورونه اذا جيت ابكلمها تنفخ علي طيب انا بعد تاثرت مثلها وحسيت ان جزء مني انقطع
تحترم عيالها البزران وتقدرهم اكثر مني ومن بنتي ولا تكلم بنتي ابدا لدرجة بنت اخوي رايحة تسال بنت اختي هذي ليش امك تكره فلانة ؟ يعني بنت ردت البنت قالت ماادري
يعني وحدة مثلي وين تطير بالمريخ عشان ينبسطون وين اروح وبنتي مسكينة وين تروح يعني ابوها مايشوفها الا بالسنة مرة او مرتين اذا كثر ولا تعرف عزايم ولا طلعات الا قليل ياابو ريالين ياسوق وقليل بعد وهم ماشاء الله عزايم واهل وحولات ولا يتلاركونك يضايقون عليك وانت حالك الله اعلم فيه يجون من بيوتهم وحلالهم ويدخلون عليك تسلط وبعلمكم البيت اللي حنا فيه الدور الاسفل للكبيرة وانا جالسة بجناح يعتبر شقة فوق بالدور الثاني للثانية ام الولد وودي انزل بس وين اروح امي تقول اقعدي فوق لان اللي تحت ضيق وانا يمكن الحرمة ماتبيني اقعد بحلالها مع انها كانت موافقة اول شي وكانت على ذيك الايام تدخل علي وتدور هذا تبينه ؟ وهذا تبينه ؟ تسالني وهي والله ماهيب بحاجة بس كذا لدرجة شبشب عندي تقولي هذا تبينه قلت لا ماابيه وخذته وثلاجة صغيرة عندي قالت بس اباخذها لولدي واذا كبر ابرجعها والله من ذاك اليوم ماعاد شفتها الولد الحين السنة الجاية بيدلرس وسرير لبنتي تقل تبينه ؟ قلت ايه ماودي اقهر بنتي ماعندعها الا هالسرير وبتاخذه وعيالها يابنات بغرف نوم وتجهيز وانا تنظانرني انا وبنتي على اللي عندنا ومن قبل كم سنة اول تقول ابخلي ولدي الكبير اذا تزوج يجلس بالشقة وهي بيتها باسمها يعني مهيب محتاجة هالشقة ابد
وقلت لامي نبي نرجع بيتنا اكرم لنا قالت هم اللي قالو تعالو اسكنوا بالبيت هذا
وفيه اشياء ثانية غير لكن هذا باختصار
الله يجزاكم خير خواتي على الردود والتفاعل والله يكرمكم آمين
انا مااجاريهم بافعالهم مهوب ضعف لكن اولا ماابي تقطيع الارحام وهذا اهم عندي اني لو اسوي شي ابتحسف
والثاني انهم هم ينبسطون اذا جاريتيهم بالشر وتدخلين بدوامة ماتنتهين منها لانهم كذا ينبسطون على شغل المكايد لكني اسكت ولا اتفاعل مع اني انقهر كله ماابي يزود الشي عندهم وابيهم يياسوون مني اني مانيب راده عليهم ويتركوني لاني ماابي بنتي تتعب وتعيش بجو مشاكل بس لانهم يوسعون صدورهم تتاثر نفسيتها هذا اللي ماابيه
عشان كذا صمتي وعدم تجاوبي
ويمكن الكبيرة عاقلة اكثر تركتني وطبيعتها تشتغل من تحت لتحت لكن اللي تحتها هذي عاد ماتتركني كان اصير انا وبنتي شغلها الشاغل
عزيزة بربي @aazyz_brby
محررة فضية
يلزم عليك تسجيل الدخول أولًا لكتابة تعليق.
عليك بالدعاء ثم الدعاء واسئل الله ان يرزقك
من فضله ويحنن قلوبهم عليك ويسخر لك
ويصلح لك بنتك وتشوفيهااا عرووس لاتتضايقين
يالغاليه البيووت شبعاانه همووم ومصايب الحمدلله
كل شي يهووون .
من فضله ويحنن قلوبهم عليك ويسخر لك
ويصلح لك بنتك وتشوفيهااا عرووس لاتتضايقين
يالغاليه البيووت شبعاانه همووم ومصايب الحمدلله
كل شي يهووون .
الصفحة الأخيرة
والله يعين على هالدنيا