اختي تخلت عني بسبب زوجي

مرحبا كل اخواتي عندي مشكله معقدة مع اهلي انا متزوجة من زوج عن قصه حب جميلة وفي قرابة مع اهلي وانا لدي 4 اخوات و2 اخوة الاول متزوج والثاني مريض وابي عاجز وامي هي المدبرة ومل التعب عليها المهم صار عنا مشاكل وتحرر مع خواتي يعني ما في كان حدا يدير بالو عليهن منيح اخي ما عندو حرارة ولا غيرة وابوي طيب وع نياتو وفي من خواتي حكيو مع شباب بلحظات طيش المهم زوجي عرف بالقصه وزوجي من النوع يلي بغار وكتير شديد بهيك امور واهم شي عندو شرف العيلة (خصوصا بسبب ظرف خاص )
ومن يوم ما عرف بالموضوع تولى تربية خواتي واعتبرهم متل اخواتو خلاهن يعرفن الصح من الغلط والحمدلله صاررو بسمعة طيبة وحسنة بس هاي العلاقة كانت مبنية ع اتفاق وشروط بينا متلا ( اذا خواتي طلعو او بدهم شغل أر شي يكون بعلمنا وزوجي ) يعني زوجي مسؤول عن تربية خواتي حتى المشاوير هو بوخذهن والعلاقة استمرت 3 سنين بدون مشاكل وكانت اجمل ايام حياتي لانو خواتي وزوجي معي وكنا متفقين انو نكون متل العيلة وما يفرقنا شي بس مشكله زوجي عصبي كتير بحب السيطرة وبحب يعرف كل شي لانو صعب يثق بسهوله باي إنسان وبلحظات كان اسلوبو تغير معهن لانو صار في خلاف بالشروط خصوصا اختي الوسطى لانها رافقت شلة بنات من رفقات السوء من يومها تغير تفكيرها وصارت تحب تعمل كل شي بدها ياه بدون علمهاوزوجي تعصبن لانو اختي رافقت بنات ما بناسبو اختي من ناحية لَبْس وتصرفات واخلاق بس هي اصرت ع العلاقه مع صديقاتها تخلت عن خواتها كرمالهن
انا حاولت احكي معها بس اصرت تضل معهن وقلتلها طيب واحنا بتقلي ما بدي اخواتي ولا حياتكم اختارت حياة جديدة وعالم جديد بخصها قلت هاد حقها ومرت سنة وهي ما تحكي معنا ولا مع زوجي وصارت تصير مشاكل مع اختي كل فترة مع انو ما حدا كان يضايقها كل ما تشوفنا تصبو تجرح فينا بكلام بذيء اختي تغيرت كتير كانت حنونة والأقرب لقلبي بس هي صارت وحدة حقودة وما تفكر الا بحياتها وانا بعمل كل المستحيل عشان ارجع العلاقة بس هي جرحتني بكلام جارح وكأني عدوتها حاولنا نعمل صلح ما صار وبعد كل هاي المشاكل مع زوجي وأمي وخواتي صار سمعة زوجي مو طيبة وبسبب حكي الناس امي طلبت من زوجي ما يتدخل بشؤون اخواتي هو تضايق لانو كان اسلوبها مستفز وزوجي وافق على طلب امي مع انو اقسم بالله انو زوجي هو يلي غير اخلاق خواتي في احلى انو شخص يخاف عليك وبحترمك ويغار عليك ويحميك كان سند الهم بس بعد كل هاي المشاكل انا تعبت ونفسيتي تعبت بسببها وبعد زوجي ما وافق ما يتدخل بشؤون خواتي يرجع فقط زوج اخت بدون ما يصير مشاكل. بس المشكله الكبرى
انو اختي ما بدها زوجي يدخل بيتهم اقصد بيت اهلي وقالت اذا دخل زوج اختي البيت انا راح اطلع وخيرت امي بينها وبين زوجي امي خالفت الرأي بس امي متقلبه صارت تقنع بامي وامي صارت ضدنا وزوجي اصر ما أزور اهلي ما دام اختي هناك مع انو زوجي متعاطف معي وكتير انهان من اختي وسكت وما حكا مش عارفة شو الحل وشو الوسيلة لحتى ارجع علاقتي مع اهلي بدون مشاكل ! مع اني حاولت احكي مع اختي لكن هانتني بكلام جارح ومو مستوى وحدة عندها اخلاق وسبت زوجي وشتمتو وبس قلتلها اذا زوجي ما بزوركم كمان انا ما بزوركم كيف بهون عليكي اختك تنحرم من اَهلها بسببك ؟ قلتلي الله معة ما بدي اياكي بحياتنا وانا كرامتي ما تسمحلي اخكي معها بعد كل الاهانات مع اني الأخت الكبرى ؟ ساعدوني وانصحوني