اختي تريد نصيحتكم .... وبنصحها بعد ما اناقشكم

السلام عليكم ورحمة الله وبركاته وكل عام وكل وحده منكم بأحسن حال
كثير استفيد من هالمنتدى ومن نصائح بعض الحكيمات بالرغم من وجود ردود تغث احيانا
المهم هذي اختي تبغى نصيحتي تقول انها هي وزوجها بين فتره وفتره يصير م بينهم خلاف وتعلو الاصوات وهذا يصير في كل البيوت بس هي تقول زوجها غير وتبكي اخر خلاف كان يوم عرفه تقول هما صيام وشاورها ف حاجه وطبعا هي ردت عليه برد هو ما عجبه ونشب عليها ولعنها ودعا عليها وهي منصدمه من ردة الفعل الغريبه هذي وما ردت عليه خلته يبق بق ع قولتها وسكوتها خلاه يتنرفز فضربها ضرب حتى بسلك الكهربا وتورمت رجلها وضربها ف وجهها تقول هو مو طبيعي ...المهم انتهى اليوم هذاك وجا العيد وخلاص الامور اصبحت تمام ويتمشو ويضحكوا وعادي بس هي تقول قلبي من جوا شاعل نار وكانت ناويه تأدبه
هي تستشيركم هل تعدي الموضوع بما انه الامور طيبه ولا ما تسكت وتقلبها عليه عشان يتأدب وما يعيدها
هي سكتت عشان الاولاد وشاله ف قلبها عشانهم اما هو خلاص ما عاد له مكان ف قلبها
وسامحوني طولت عليكم ارجو الرد من تجاربكم او حكمتكم بارك الله فيكم