اختي تشتكي من التنويم منتشر القمل بين نزيلات

كيفكم صبايا انا الي اختي تنومت اذا فاكرين القصه كلها وللي تبغى تعرف قصتنا مع اختي تدخل ملفي وتلاقي المواضيع المهم نومناها ومانعين الزياره عنها وصرنا نتصل عالتلفون حق المستشفى ويعطونا ياها نكلمها المهم كلمناها واحس اختي تتكلم بعقلانيه معقوله تكون تحسنت خلال اسبوع تتكلم بكل عقل ورزانه  مع ان الي اعرفه ادويه الفصام يبغالها انتظام بالعلاج مده شهر اوشهرين عالاقل لحد مايبين مفعول العلاج الزبده انها تقول خرجوني من هنا الحمامات وسخه ومافيها مناديل والقمل متتشر بين النزيلات بالتنويم +تقول صياح بعض المريضات الله يشفيهم ويعافيهم يجلسون يصارخون بشكل مو طبيعي وبعضهم تجيها حالات هيستريا الله يعافيهم يارب وتشتكي اختي من الوضع انه سيئ جدا تقول حتى العاملات بقسم التنويم يصارخون عالنزيلات ووضعهم سيء ووعدتنا انها اذا خرجت تاخذ العلاج وتنتظم عليه بس اناعارفه ان كل هذا كلام لانها رافضه جدا فكرة انها تعبانه اومريضه ماعندها استبصار بحالتها ابدا وتقول انا مافيني شي قلنالها ي فلانه خذي الحبوب رافضه وكلمنا دكتور بمستشفى عرفان وقال اذا رافضه الحبوب اقنعوها تاخذ ابرة مرة واحده بالشهر وجلسنا نحاول فيها مايقارب ال٥ شهور انه خذي الابرة ي فلانه رافضه تقول مافيني شي ولاني بحاجه العلاج ابدا والخوف الان لوطلعناهاةانهاةتتمرد وترفض العلاج اوتهرب من البيت وتتمرد مدري وش الحل احترنا نخليها تكمل فترة علاجها شهر وتصبر وتتحمل او اننا نخرجها ؟؟