اختي تطلقت

السلام
اختي الصغيرة تزوجت قبل ست شهور من
الزواج ياحبيبات دام ست شهور واليوم انتهى
انا ادري ولي نظرتي الخاصة بالعوائل
اعرف انه هذي العايلة ظالمة وسفلة ومايخافون الله
طبعا لهم ماضي لانه الام زوجة ثانية ومتفرعنة كانت هي وزوجها على ضرتها وعيالها
والبنات عقارب رمل و🐍🐍 مثل امهم
اختي عاشت شهر حلو مع ولدهم وبعدين بدأ مسلسل الذل والاستعباد من الحقيرة ام زوجها
اختي وصلت مرحلة نفسية وكل يوم تبكي وتشكي ومخلينها خدامة من الصبح الى الليل ومايعطوها الا أوامر
تكلمو اخواني مع الولد مرات واخر مرة هددوه
واليوم اخواني ياخذون اختي وراح اخوي اخذها
زوجها يترجى ويقول رجعوها اخواني قالو لا ومانبغى تتورط بعيال منك وتعيش حياة تعيسة مع أمك واخواتك
انا من الاول معارضة اساسا مايصير نزوج او نتزوج من مثل عايلة ظالمة مثل هذي
والولد مثل الغنمة يسحبونه يمين وشمال امه واخواته
ايش ذنب اختي عمرها 20 تعيش كذا حياة معاه وأساسا هم عايلة الظلم
اخوي قال مادام مافي حمل ولا بيبي لا ترجع واختي تقول ما ابغ ارجع له وهو يقول خلينا نتفاهم على ايش نتفاهم وانت شايف امك واخواتك عاملين ايش ب مرتك وساكت
ياحقير لو انت فيك خير كان رديت ظلم ابوك وامك عن اخواتك واخوانك من ابوك مافيك خير مثلهم ظالم
والله قهروني كثير هو وأهله الله لايسامحهم ويعوض اختي عنهم