اختي تعيش حاله غريبه ساعدوني

صباحكم ورد حبيباتي اما انا كل يوم يمر صباحي هم ونكد

حبيباتي نخيتكم تساعدوني واللي تقدر تساعدني اكثر من مجرد كلام بس ترسله لي تتفضل
انا محتاجتكم
واللي متخصصه بعلم النفس تشوف حالة اختي وتعطيني الحل ؟؟
السالفه ومافيها
اختي قبل سنه دخلت دار تحفظ القراءن المهم تركته بعد ماخلصت طبعا وجالسه الان بالبيت ..
مره ازعجتنا جننتنا تخيلوا بس جالسه تفكر ليل نهار وماتنام كل يوم لها موضوع لم يحدث على ارض الواقع
استغفرالله من كل ذنب عظيم
من العام وهي تقول ان امي مو امها وانها اصلا هي بنت مصريه المشكله اختي مافيها من ملامح المصريين ابد
وتروح وتنادي امي تعالي احلفي اني بنتك؟؟؟؟ واقولها من قالك ان امك مصريه وحنا اخذناك نربيك قالت بنت عمي واروح وانادي اختي وانادي بنت عمي واسأل بنت عمي قلت لها متى قلتي لفلانه انها بنت مصريه ..
((ملاحظه انا اعرف ان اختي كل يوم تبتلي واحد بالكذب وتقول فيه كلام يجيكم الان الموضوع كامل))
المهم بنت عمي انجنت على طول طالعت اختي وقالت ياكذابه انتي تصومي وتصلي وتكذبي علي
المهم اختي كانت ردة فعلها انها هربت على طول وماحاججت وراحت تغبت بالمجلس وخاصمتني وماصارت تكلمني فتره بعدين رجعت تكلمني..
وبعدين غيرت كلامها وقالت لا بنت قالت لي يعني بنت غريبه مو على ارض الواقع..
والان تقول انوا نائب امير منطقتنا خطبها وزواجها يوم 15 بعيد الاضحى..
وسهرانه الليل كلها بس تفكر وتسألني ليش انتم تحسدوني وماتبغوني اتزوجه
والله يمين ان نائب امير منطقتنا مايدري حنا بالوجود والا لا؟؟
وانا يوم السبت اللي فات نمت الساعه10 بالليل عشان عندي دوام الصبح وحول الساعه 12 بالليل صحيت على صوت بكاء ونياااااااااح يعني صرااااخ المهم خفت مرررره صرت ارجف واطالع الا اختي هذي هي جالسه تبكي قلت لها وش فيك مررره خفت انا ؟؟ ماتكلمني ؟؟ قلت فيك شي؟؟ ناقص عليك شي؟؟ ماتكلمني ؟؟
بالاخر قلت لها ترى الشيطان يحب يحزن العبد فلاتستمعي لوساوسه..
قالت لا من قالكم تغيرون اسمي سميره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا عارفه ان سمعتي تشوهت بقوووه ؟؟؟؟ ووحده شوهتها ؟؟
انا قلت من قالك اننا غيرنا اسمك سميره بعدين تغيير الاسم مايصير بين ليلة وضحاها؟؟
ومن شوه سمعتك؟؟ قالت الا انا ارهابيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا شوي بتجنني هالبنت؟؟
وتروح لامي اليوم الثاني تصيح تقول انا ابغى مستشفى النفسيه انا مريضه؟؟
قلنا لها ابد مافيك الا العافيه وكامله بعقلك لاتمرضين نفسك؟؟
ااااه اختي جننتنا كل يوم لها وهم تعيشه وتجلس تبكي عشانه لاحول ولاقوة الا بالله..

ملاحظه اختي عمرها25 سنه
انا دايم انصحها وامي لما شافت حالتها تجبرها كل 3 ايام تقرأ سورة البقره
واختي دايم تقرأ وردها وتحفظ بالقراءن بس غريبه حالتها احسها ماتعيش لذة الطاعه وتقرأ كتب كثيييييير مفيده وتصلي الليل وتدعي علينا دايم كلنا تقول انوا كل حاجه تصير صح بس حنا نغبي عليها لاحول ولاقوة الا بالله

ادعوااااا لها طلبتكم ليل نهار ان ربي يزوجها زي ماتتمنى هي:06:
ادعواااا لها بالشفاء اذا انها مريضه بس كلنا حاسين انها تمثل علينا وتكذب
دايم تقول يمه انا كلمت صديقتي واصلا ماعندها جوال ابد ولاصديقه بالاساس
طلبتكم تساعدوني باي شي طلبتكم.. انا خايفه على امي تنجلط اذا زاد الوضع
لا اله الا انت سبحانك اني كنت من الظالمين
انتظر ارائكم انتظرها بفارغ الصبر