اختي تكرهني .

السلام عليكم ورحمه الله
جمعه مباركه والله يتقبل منا ومنكم صالح الاعمال.
اختي اللي هي من لحمي ودمي جالسه تكيد لي من وراي غيرت علي اخوي والله انه امس يقولي كلام ما يقوله المسلم لاخوه وبعد ما خلص قال لي (هذا شوية من حقدي عليك وانتبهي لا يطلع الباقي لاك ما راح تلومين غير نفسك ) بذمتكم فيه احد يقول هالكلام لاخته اللي من يوم هي بالثانوي وهي تشيله والله ان امي تروح للزواجات وهو ما يروح من حضني هو يحبني وانا عارفه هالشيء بس اختي اللي اصغر مني هي السبب بتقولون شلون ؟ انا اقولكم كل اختبارات نهائيه انا اذاكر له وكل واجباته وبحوثه اساعده فيها لين الحمد لله جاب نسبه كويسه هو راح وجاب لي هديه بحكم اني ساعدته بالوقت اللي كان فيه عندي اختبارات يعني اثرته على نفسي الترم اللي راح كله كنت تمام معاه واساعده بحكم اني تخرجت وما عندي شيء تفرغت له يعني لين جينا للاختبارات النهائيه اختي دخلت له بالغرفه قالت انا بذاكر لك انا فرحت قلت كويس احد فكر يشيل الحمل عني الحاصل من بعد ما مسكته وانا اشوف اخوي متغير علي والله انه يتعمد يتكلم علي ويهاوشني ويكذب علي عند ابوي واختي توقف برا وتضحك لما تشوفني مصدومه من اللي يقوله انا قلت ما ابغى احطها بنفسي ويوم وهي تذاكر له وقفت عند الباب لقيتها تقول له قوي قبلك لا تخليها تتحكم فيك وهي تتكلم عليك عند ابوي وتقوي اخواتك عليك وانا والله العظيم دموعي اربع اربع انا وش سويت لها عشان تسوي فيني كذا ؟ اقسم بالله اني ما اذيتها بالعكس اعطيها واسوي لها اللي ما سويته لحد حت لما بتروح زواج تجي تقولي اش البس اش اسوي بشعري وانا اترك كل شيء بيدي واروح اعطيها من فساتيني واسوي ليه مكياج واضبط شعرها واسوي لها كل اللي تبيه فجاه قلبت علي اللي يقهر انها ماتعرف اني عارفه كل شيء واذا طلبتني اعطيها لانها ما تدري اني ادري عن فعايلها قبل اسبوعين تقول لاختي فيه وحده جالسه بيننا اكرهها كره العمى وهي تحبني وتضحك وانا اسوي نفسي مو عارفه حاجه انا ما تهمني بقد ما يهمني اخوي صاير عنادي زيها اذا شافني ابغى شي يروح يسوي عكسه على طول ويطلب لكل اللي جالسين من المطعم غيري انا ويعطيهم قدامي ويضحك مع اختي اش اسوي اطنشهم هم الاثنين واختي كيف اتعامل معاها وهي معاي بنفس البيت وبنفس الغرفه .


اللي بترد الله يسعدكم بدون تجريح لاحد ,فالنهايه هم اهلي قطعه مني . ادعولي تكفون